Тывада муниципалитеттерниң өртчү дружиналарын тускай дериг-херекселдер-биле четчелээн
23.07.2015
Тываның Чазаа арга-арыг өрттери бооп болур зонада көдээ чурттакчылыг черлерниң өртчү дружиналарын тускай дериг-херекселдер-биле немей хандырар хемчеглерни ап эгелээн.
Республиканың баштыңы Шолбан Кара-оол ат салганы айтыышкын езугаар ХК биле ОБ регион агентилели 7 муниципалитет чагыргаларынга өрт өжүреринге дериг-херекселдерни эгидилге чокка берген. Чеди-Хөл кожууннуң Элегес, Тес-Хемниң Шуурмак, Каа-Хемниң Авыйган биле Сарыг-Сеп, Улуг-Хемниң Иштии-Хем, Тожунуң Тоора-Хем суурлар, база Туран хоорай ону алган.
Ниитизи-биле 36 санныг өрт өжүрер дериг-херекселдерни муниципалиттерже дамчыткан. Тываның Баштыңы Шолбан Кара-оол көдээ сумулар баштыңнарынга алган дериг-херекселдерин шынарлыг болгаш боттуг ажыглап, ол дээш харыысалгалыг кижилерни томуйлаарын айыткан. ХК биле ОБ агентилели дериг-херекселди канчаар ажыглап турарының дугайында отчетту ай санында негээр хүлээлгелиг.
Возврат к списку
|