Июнь 27-де Тываның школаларынга доозукчулар кежээлери эртер
24.06.2015
Тываның Чазааның айтыышкыны-биле доозукчулар кежээлерин организастыг эрттирер дээш Тываның шупту өөредилге албан черлеринге хайгаарал-хыналданы тудар кылдыр республиканың эрге-чагырга органнарыныңудуртукчуларын болгаш Өөредилге яамызының специалистерин быжыглаан.
Ол кежээ муниципалдыг тургузугларның болгаш хоорай округтарының ажылдакчылары байырлалды эки деңнелге эрттирери-биле тус чер чагыргаларының специалистериниң, башкылар болгаш ада-иелерниң талазындан корум-чурумну хандырып, чурум үрээшкиннерин болдурбазы-биле дежурныйлаашкынны организастаар.
Ол хүн хоорай, суурларга арага аймаан садарын кызыгаарлаар хемчеглерни алыр, кафе, рестораннарга банкеттерни болгаш хөглээшкиннерни хоруур, хемнерниң деңнелиниң көдүрлүп, арга-арыг өрттери болуп турарындан база саргы көвүдээнинден доозукчуларның бойдусче агаарлап үнерин болдурбас.
ТР-ниң Өөредилге болгаш эртем яамызы-биле дугуружулга езугаар Тываның республика лицей-интернадынга доозукчулар кежээзи эрткен. Аңгы план-биле июнь 26-да Тываның Күрүне лицейинге байырлал хемчээ болур.
Тывада бо чылын ниити өөредилге албан черлерин 3493 кижи доозуп турарын сагындыраал.
Возврат к списку
|