21.02.2015
Тыва Республиканың Баштыңының йөрээл-чалбарыы:
Бойдузу Ыяш Көксүмээр Хой чылы,
Моорлазын, чаларазын! курай – курай!
Чонум, чуртум, оран – таңдым
Оожургалдыг болзун,өршээ! Курай – курай!
Эл чонумга экини хайырлаар,
Эки сеткилдиг чыл болзун!Курай – курай!
Улус – чонум аас – кежиктиг,
Уруг – дарыг өөрүшкүлүг,
Эки сеткилдиг, элбек дүжүткүр,
Эвилең ээлдек болуп көр!
Көстүп турар көк дээрим,
Көктүг – шыктыг төрээн черим!
Арбай тараа чаагай болзун,
Аъш – чем элбек турзун!Курай – курай!
Хүнүм адаан хүрээленген,
Хүрең – хүрең тайгаларым!
Аккан сууң аржаан болзун,
Аал – оранывыска тайбың турзун!Курай – курай!
Төрээн чер-чуртувус хөгжүп, байып, сайзыразын!
Дээр – деңгерлерим өршээ!
Ыдыктыг бурганнарым өршээ!!!!
Шаг чаагай, Шагаа чаагай! Шагаа-биле!!!
Курай! Курай! Курай!
Чаа үнүп келген Хой чылын
Чаагай чаңчылдарывыстың Чылы кылдыр чарлап тур мен!!!
Улуг, күштүг өгбелерниң
Ужур-чаңчылдары кезээде чидип төнмес болзун! Курай,курай!!!