В.Көк-оол аттыг Национал театрга Тываның транспорт адырының 100 чылдаан оюнга тураскааткан байырлыг хурал үезинде күрүне болгаш ведомство шаңналдарын төлээлеринге тывыскан.
Транспорт ажылдакчыларының хүн-биле юбилейлиг хемчег капсырлажып, республикада хамааты авиацияның 80 чылын база орук-тудуг комплекизиниң 90 чылын демдеглээн. Владислав Ховалыг транспорт ажылдакчыларынга байырын чедирип, республиканың ынаныжы апарган орук-транспорт системазын хөгжүдеринге улуг үлүг-хууну киирип чоруурун демдеглээн.
Тываның Баштыңы байыр чедириишкининде, транспорт специалистериниң күш-ажылының ачызында пассажирлер сөөртүлгези өзүп, чаа маршруттар ажыттынып, оруктар болгаш көвүрүглер чаарттынып, авиа-аргыжылга, ооң иштинде делегей чергелиг, күштелгенин демдеглээн.
Кижилерниң амыдырал-чуртталгазының шынарын экижидер ажылда угланыышкыннар онза ужур-дузалыг. Ол дээрге орук инфраструктуразын чаартыры, кудумчуларны экижидери, оруктарда айыыл чок чорукту бедидер дээн хемчеглер-дир.
Владислав Ховалыгның байыр чедириишкининде «...бүзүрелдиг, мергежилдиг болгаш бердингени ажыл-ижи дээш» адырның төлээлеринге өөрүп четтиргенин илереткен.
Байырлыг хурал үезинде, Тыва Республиканың Чазааның Даргазының оралакчызының хүлээлгезин күүседип турар Эдуард Сандан республика удуртукчузунуң өмүнээзинден автотранспорт адырының ажылчыннарынга болгаш хоочуннарынга байырны чедирген.
«Тыва Арат Республиканың чазаа 1926 чылда автомобиль сөөртүлгезин организастаар дугайында төөгүлүг шиитпирни хүлээп алган. Ол-ла чылын республика Совет Эвилелинден белек кылдыр баштайгы автомобильдерин алган. Шак ынчан бир дугаар «Союзтранс» транспорт организациязы үндезилеттинген. Ол болуушкун транспорт адырының төөгүзүнүң эгезин салган» - деп, Эдуард Сандан чугаалаан.
Эрткен чүс чыл дургузунда Тываның транспорт системазы 4000 ажыг километр орук четкизин, хамааты авиацияны, автотранспортун хаара туткан комплекс кылдыр хөгжээн. Чүгле эрткен чылын 16 миллион пассажирлерни автомобиль транспорту-биле, а 147 муң ажыг кижини самолте-биле аргыштырган. Эрткен чылын республикага делегей чергелиг авиамаршруттар ажытттынган.
Эдуард Сандан транспорт системазының таваан салган адырның хоочуннарынга сеткилиниң ханызындан өөрүп четтиргенин илереткеш, тускай шериг операциязының мурнуку одуругларында тулчуп турар Төрээн чурттуң камгалакчыларын деткииринге транспорт ажылдакчыларының үлүүн демдеглээн.
Байырлыг езулал үезинде Россия Федерациязының Транспорт яамызының биле Росавиацияның ведомство шаңналдарын база Тыва Республиканың күрүне шаңналдарын тывыскан.
РФ-тиң транспорт сайыдының дужаалы-биле, агаар транспортунга хөй чылдар дургузунда айыыл чок албан-хүлээлгези «Аянныг ужудуушкун шактары дээш» деп бирги класстың тергиидел демдээн «Тува Авиа» РКБ авиакомпанияның директорунуң ужудуушкун ажылын организастаар оралакчызы (ужудуушкун командири) Анатолий Монгушту база «Ан-2» самолеттуң ийиги ужудукчузу Мерген Оюн тывыскан. Ийиги чергениң демдээн Ми-8 вертолеттуң улуг бортмеханиги-инструктору Орлан Деликке база Ми-8 вертолеттуң командири Андрей Левановка тывыскан.
Хамааты авиацияга хөй чылдарда ак сетиклдиг күш-ажылы, бедик мергежили, күш-ажылчы чедиишкиннери дээш, Россияның транспорт сайыдының Өөрүп четтириишкин бижиктерин «Кызыл аэропорту» ФКБ-ниң тускай автотранспорт чолаачызы Павел Мерзляковка база «Кызыл аэропорту» ФКБ-ниң кадрлар килдизиниң начальниги Лариса Якушкинага чарлаан.
Хамааты авиацияга хөй чылдарда ак сеткилдиг күш-ажылы, бедик мергежили, күш-ажылчы чедиишкиннери дээш, «Тува Авиа» РКБ АК-ның авиамеханиги Алдын-оол Адар-оолга, аргыштырылга организастаар албанның начальниги Ксения Фалалеевага, «Кызыл аэропорту» ФКБ бүдүрүлге-диспетчер албанының смена начальниги Наркиз Меньковага Федералдыг авиатранспорт агентилелиниң удуртукчузунуң дужаалы-биле Өөрүп четтириишкинни чарлаан.
Оларның бедик мергежилдиг болгаш ак сеткилдиг ажылы дээш, Тываның Баштыңының айтыышкыны-биле «Туваавтотранс» КХН-ниң кондуктору Сесермаа Доржуга; «Туваавтотранс» КХН-ниң автобус чолаачызы Олег Эренчинге; «Ак-Довурактың орук септелге-тудуг эргелели» КХН-нуң кол инженери Шолбан Хертекке; «Орук-тудуг транспорту» КХН-ниң оручузу Аян-оол Монгушка; «Орук-тудуг транспорту» КХН-ниң бульдозер муникчузу Сайдаш Монгушка; «Восток» КХН-ниң төлевилел удуртукчузу Аясмаа Салчакка Өөрүп четтириишкинни чарлаан.
Тыва Республиканың Баштыңының Хүндүлел бижиктерин бедик мергежилдиг болгаш ак сеткилдиг күш-ажылы дээш «Строй-Экспресс» КХН-ниң автогрейдер мунукчузу Артем Тюлюш биле «Төп Сибирь авианавигация» салбыры Тываның авиа шимчээшкинин хандырар төвүнүң радиотехниктиг дериг-херексел болгаш харылзаа албанының кол инженери Андрей Толмачев тывыскан.
«Тыва авиация шугумнары» авиакомпания» РКБ-ниң Ми-8 вертоледунуң улуг бортмеханиги-инструктору Орлан Деликке хөй чылдарда хамааты авиация адырынга ак сеткилдиг ажылы дээш, «Тыва Республиканың алдарлыг ажылдакчызы» хүндүлүг атты тывыскан.