Главная
Пресс-служба
Медээлер

Тывада бо чылын төрүттүнген 1011 дун чаштар республика Баштыңындан «Чаш төлге белектерни» алган

20.11.2026 16:41

Республикада эрткен чылдан Владислав Ховалыгның эгелээшкини-биле «Тываның чаш төлү» губернатор төлевилели боттанып турар. Ол дун төл төрүттүнген өг-бүлелерге немелде социал деткимчени көргүзер болгаш чаштарның өлүп-хораанын болдурбас дээш чорудуп турар хемчег. Регионнуң Кадык камгалал яамызы бо хемчег механиктиг асфиксиядан чаштарның чок болурунга удур дээштиг болганын демдеглээн. Эрткен чылдың ол үезинге деңнээрге, ол көргүзүг 20 хуу эвээжээн.

Владислав Ховалыг 2025 чылдың январьда Тыва Республиканың Дээди Хуралынга (парламентизинге) чылдың Айыткалын берип тура, «Тываның чаш төлү» эгелээшкинни бир дугаар чарлаанын сагындыраал. Ооң соонда төлевилелди боттандырарының ажылдары эгелээн: херек акша-хөреңгини тускайлаан, садыглаашкынны эрттирип, белектерни саткан. Чаа төрүттүнген чаштарга дөжектиг орун болгаш чугула херек чүүлдерни белекте киирген.

Ол ышкаш чаа божаан иелерни божудулга бажыңындан үндүреринге белеткээн чаш өпея биле авазынга тускай белек – аңгы удуурунга чаңчыктарар орунну бээр. Аңгы орунга чыттырары – ие кижиниң таптыг чыдып алгаш, удуп дыштанырын база чаш төлдүң айыыл чок чоруун магадылаар деп, специалистер тайылбырлап турар.

2025 чылда 1288 өг-бүле дун чаштарынга белектерни алган.