Главная
Пресс-служба
Медээлер

Тываның Баштыңы Кемерово облазынга самолет озал-ондаанга мөчээннерниң өг-бүлелеринге болгаш чоок улузунга кажыыдалын илереткен

18.11.2026 12:03

Республиканың Баштыңы Владислав Ховалыг Кемерово облазынга Ан-12 шериг-транспорт самоледунуң айыылынга мөчээн кижилерниң өг-бүлелеринге болгаш чоок улузунга кажыыдалын илереткен.

«Кажыыдалдың бо шагында чок болган кижилерниң өг-бүлелеринге болгаш эш-өөрүнге күш-шыдалды болгаш быжыг турушту күзедим. Мөчээн кижилерниң шуптузунга чырык сактыышкын» - деп, республиканың Баштыңы бодунуң кажыыдалында демдеглээн.

Ол айыыл-халап ноябрь 17-ниң кежээзинде болган. Кемерово облазының Ягуново суурнуң чоогунга Ан-12 шериг-транспорт самоледу планныг ужудуушкун үезинде аңдарылган. Озал-ондактан 19 кижи амы-тынындан чарылган.

Массалыг информация чепсектериниң дыңнатканы-биле алырга, Россияның агаар-космос күштериниң комиссиязы айыыл-халаптың чылдагаанын болгаш байдалын тодарадыр дээш, болуушкун болган черде ажылдап турар. Истелге органнары кеземче херээн оттурган.