Тываның үш кожуунунга 2027 чылда чаа хөй-ниити шөлдери, спортчу шөлдер болгаш чаагайжыттынга кудумчулар көстүп кээр. «Көдээ девискээрлерниң комплекстиг хөгжүлдези» күрүне программазының «Көдээ девискээрлерни чаагайжыдары» федералдыг төлевилелиниң күүселдези-биле төлевилелдерни шилип алган.
Комиссия күрүне программазы-биле боттандырар объектилерниң даңзызын бадылаан. Ынаар үш төлевилел кирген:
- Бай-Тайга кожууннуң Кара-Хөл суурда уругларга болгаш улуг улуска универсалдыг спортчу шөл тудуу;
- Мөңгүн-Тайга кожууннуң Кызыл-Хая суурга «Кадыкшылдың чадалары» деп дыштанылга шөлү – арыг агаарга селгүүстеп, идепкейлиг дыштаныр шөл;
- Тожу кожууннуң Тоора-Хем суурда кудумчуну чаагайжыдып, чырыдып, чурттакчыларга таарымчалыг болгаш айыыл чок кылыры.
Төлевилелдерниң күүселдези көдээ чурттакчылыг черлерге спортка, дыштанылгага болгаш хүн бүрүде амыдыралга экижиткен байдалдарны тургузар деп, республиканың Экономиктиг сайзырал болгаш үлетпүр яамызы дыңнаткан.
«Көдээ девискээрлерниң комплекстиг хөгжүлдези» программа тыва суурларның даштыкы хевирин чоорту өскертип, чурттакчыларга амгы үениң болгаш таарымчалыг байдалды тургузарынга дузалаар. Шилиттинген төлевилелдер республикада суурларның хөгжүлдезинге база бир базым болур.