Главная
Пресс-служба
Медээлер

Тываның төлээлери «Билиг.Дагдыныкчылар» бүгү-российжи төлевилелге тиилээн

16.11.2026 11:03

Россияның «Билиг» ниитилели биле Россияның Чырыдыышкын яамызының боттандырганы «Билиг.Дагдыныкчылар» деп бүгү-российжи төлевилелдиң 1600 тиилекчилериниң санынче Тывадан ийи башкы кирген. Тиилекчи бүрүзү 52 муң рубль акша шаңналын алыр.

Шагаан-Арыг хоорайның чамдык эртемнерни ханы өөредир 1 дугаар школадан Катерина Анай-оол база Шекпээр суурнуң ортумак школазындан Шончалай Куулар «Чөвүлекчи-дагдыныкчы» деп бөлүкке тиилээннер.

Шончалай Куулар школаның волонтер отрядының арга-дуржулгазын мөөрейге таныштырган. Оолдар хоочуннарга дузалажып, экологтуг акцияларга киржип, школа хемчеглерин эрттирип турар. Мындыг ажыл уругларга харыысалгалыг болурунга, бот-боттарынга дузалажырынга, командалыг кады ажылдап өөрениринге дузалаарын башкы демдеглээн.

«Оолдарга бо дээрге анаа-ла «буянныг ажыл» эвес, а күш-ажылының түңнелин көрүп турар амыдыралдың езулуг школазы-дыр. Тиилелге дээрге, бир дугаарында, бистиң ниити ажыл-херээвистиң чугулазын үнелээри-дир» - деп, Шончалай Куулар чугаалаан.

Чурттуң 86 регионундан ниитизи-биле 1600 башкылар, директорларның кижизидилге талазы-биле чөвүлекчилери болгаш өөредилге организацияларының удуртукчулары төлевилелдиң тиилекчилери болган. Конкурстуг шылгалдалар үезинде киржикчилер боттарының дагдыныкчы практикаларын таныштырып, башкылаашкын айтырыгларын шиитпирлеп болгаш профессионал арга-дуржулгазын көргүскен.

Эң эки түңнелдер көргүскен 220 киржикчиге тускай өөредилге программазы төлевилелдиң чугула уламчызы болур. Декабрь 1-ден 4-ке чедир «Машук» билиглер төвүнге чедиишкинниг арга-дуржулга солчулгазынга болгаш дагдыныкчы практикаларны сайзырадырынга тураскааткан тускай өөредилге программазын эрттирер.

«Билиг.Дагдыныкчылар» төлевилел башкыларны деткииринче, өөредилге организацияларында дагдыныкчы ажылды сайзырадырынче болгаш аныяктарның кижизидилге болгаш профессионал тургузуушкунунга чедимчелиг аргаларны нептередиринче угланган. «Росуруглартөвү» федералдыг күрүнениң бюджет албан чериниң деткимчези-биле «Билиг» российжи ниитилел база Россияның Чырыдыышкын яамызы ону 2026 чылдың апрельден декабрьга чедир боттандырар.