Ноябрь 10-да хоойлуну болгаш хамаатыларның айыыл чок чоруун хүннүң-не камгалап чоруур кижилерниң профессионал байырлалы — Россияда Иштики херектер ажылдакчыларының хүнү. Ол хүннү шилип алганы анаа эвес: амгы полицияның эгезин салган ажылчын милиция 1917 чылдың бо хүнүнде тургустунган. Тываның Баштыңы Владислав Ховалыг профессионал байырлалы-биле регионалдыг Иштики херектер яамызының ажылдакчыларынга болгаш хоочуннарынга байырны чедирген. Бөгүн Кызылга болуп эрткен байырлыг хурал үезинде ведомствонуң чамдык ажылдакчыларынга регион удуртукчузунуң шаңнадарын тывыскан.
Социал четкилерде парлаттынган Владислав Ховалыгның байыр чедириишкининде, хөй-ниитиниң корум-чурумун тударынга болгаш хамаатыларның эргелерин камгалаарынга полиция ажылдакчыларының үлүг-хуузун демдеглээн: «Силерниң албан-хүлээлгеңер эрес-дидим чорукту болгаш бедик мергежилди негеп турар. Хоойлу-дүрүмнү камгалап, хамаатыларның айыыл чок чоруун хандырып, оларның эргелерин карактап чоруур силер. Бажың бүрүзүнге тайбың болгаш ниитилелде турум чорук силерниң ажылыңардан хамааржыр.
Республикада улуг байырлыг хемчеглер үезинде корум-чурумну тударынга үлүг-хууңар база IV-кү делегей чергелиг буддийжи шуулганынга төлептиг ажылыңар дээш онза өөрүп четтириишкинни илердип тур мен. Силерниң серемчилелиңер болгаш билдилиг ажылдаанынар ачызында ол улуг хемчээлдиг хемчег айыыл чок болгаш бедик деңнелге эрткен» - деп, байыр чедириишкининде демдеглээн.
Владислав Ховалыг иштики херектер яамызының хууда составынга болгаш хоочуннарынга быжыг кадыкшылды, өг-бүлезинге аас-кежикти, чаагай чорукту, ажыл-ижинге депшилгени күзээн.
Тыва Республиканың Чазааның Даргазының оралакчызы Шолбан Сендаш республика Баштыңының өмүнээзинден Тыва Республиканың ИХЯ-зының шылгараңгай ажылдакчыларынга күрүне шаңналдарын тывыскан.
Иштики херектер органнарынга сыныш чок бараан болуп, оперативтиг албан-хүлээлге ажыл-чорудулгазынга бедик көргүзүү дээш, Тываның Баштыңының айтыышкыны-биле Тываның Баштыңының Өөрүп четтириишкинин дараазында ажылдакчыларга чарлаан:
Алтын-Кежик Ольга Вячеславовнага – Тыва Республиканың ИХЯ-зының штаб инспекциязының кол инспектору, иштики албанның подполковниги;
Кызыл-оол Чинчи Салчаковнага – Россияның ИХЯ-зының Кызыл хоорайда эргелелиниң херектер эмгелели болгаш чурум бөлүүнүң удуртукчузу-инспектор, иштики албанның капитаны;
Монгуш Кенеш Уран-ооловичиге – Тыва Республиканың ИХЯ-зының каразыттырганнар болгаш буруудатканнар кадарар болгаш үдээр аңгы ротазының 1-ги взводунуң улуг полицейжизи, полицияның прапорщиги;
Ондар Чыжыргана Борисовнага – Тыва Республиканың ИХЯ-зының Информация төвүнүң медээлер санап үндүрер төвүнүң автоматчыткан системалар болгаш баазалар удуртулгазын үдээр угланыышкынныг 1-ги категория фондузунуң инспектору;
Санчы Саян Тимуровичиге – Россияның ИХЯ-зының Кызыл хоорайда эргелелиниң экономиктиг айыыл чок чорук болгаш коррупцияга удур ажыл килдизиниң начальниги, полицияның майору.
Иштики херектер органнарынга хөй чылдарда кызымак албаны дээш Тыва Республиканың Баштыңының Өөрүп четтириишкин бижиин дараазында ажылдакчылар алган:
Хирлиг-оол Онер-оол Хомушкуевич – Бай-Тайга кожууннуң ИХК-зиниң хоочуннар эге организациязының даргазы, халажылгада милицияның майору;
Шогжал Сергей Васильевич – Тыва Республиканың ВДК-зының хоочуннар организациязының кежигүнү, халажылгада милицияның подполковниги.
Иштики херектер органнарынга сыныш чок албаны, оперативтиг албан-хүлээлге ажыл-чорудулгазында чедип алган бедик көргүзүглери дээш Тыва Республиканың Баштыңының Хүндүлел бижиктери-биле шаңнааны болза:
Кашпык-оол Сагаан Геннадьевичини – Тыва Республиканың ИХЯ-зының информастыг-коммуникация технологияларын хоойлуга удур ажыглааны-биле демисел чорудар килдистиң начальниги, полицияның подполковниги;
Кукарина Анастасия Сергеевнаны – Тыва Республиканың ИХЯ-зының Истелге эргелелиниң организастыг кем-херек үүлгедиглерин истээр (эргелелдиң эргелеринде) истелге кезээниң начальнигиниң оралакчызы, юстицияның полковниги;
Павлов Михаил Владимировичичини – Тыва Республиканың ИХЯ-зының оперативтиг килдизиниң начальниги, полицияның подполковнигин;
Сайды Алексей Борисовичичини – Тыва Республиканың ИХЯ-зының кеземче херээ истээр эргелелдиң мал оору-биле демисел килдизиниң начальниги, полицияның подполковнигин.
Тыва Республикада Иштики херектер яамызының Истелге эргелелиниң хоочуннар организациязының даргазының оралакчызы, халажылгада юстицияның подполковниги Очур Татьяна Ондаровнага иштики херектер органнарынга хөй чылдарда кызымак албаны дээш Тыва Республиканың Баштыңының Хүндүлел бижиин тывыскан.