Ноябрьның 26-да 18.00 шакта, Тыва Республиканың Баштыңы Владислав Ховалыг республиканың чурттакчылары-биле дорт шугумну эрттирер. Владислав Ховалыг бодунуң социал четкилеринде ооң дугайында дыңнадып, айтырыгларын чорудар харылзаа шугумнарын база чарлаан. Республика Баштыңы дорт дамчыдылга үезинде чаңгыс чер чурттугларын эң-не дүвүредип чоруур айтырыгларга харыыларны бээр.
«Дорт дамчыдылга «Россия 24» телеканалга, ол ышкаш ВКонтактыда мээң арынымга болур. Айтырыгларыңарны баш бурунгаар бо айтыгже чорудуп болур силер: [#alias|pos.gosuslugi.ru/lkp/direct…»|pos.gosuslugi.ru/lkp/direct…»] - деп, Владислав Ховалыг бодунуң бижиинде дыңнаткан.
Ол ышкаш ВКонтакте социал четкиде бо айтыгже vk.ru/wall360104045_91240 айтырыгларыңарны арттырып болурун чарлаан.
2025 чылда Владислав Ховалыгның дорт дамчыдылгазы декабрь 11-де болганын сагындыраал. Ынчан хамаатылардан 600 ажыг айтырыглар кирген. Башкарыкчы-биле 1,2 шак үргүлчүлээн дорт дамчыдылга үезинде база почта, интернет, социал четкилер дамчыштыр баш бурунгаар келген чоннуң айтырыгларынга харыыларны берген.
Республика Баштыңы ам болур дамчыдылганы чарлап тура, Тываның чурттакчыларының чидиг айтырыгларынга харыылап, ол ышкаш кылган ажылдарының түңнелдерин үндүрүп, республиканың хөгжүлде планнарының дугайында чугааны чорударын демдеглээн.