Хүндүлүг башкылар, педагогтар, дагдыныкчылар болгаш педагогика ажылының хоочуннары!
Профессионал байырлалыңар – Башкылар хүнү-биле силерге бүгү сагыш-сеткилимден байырны чедирип тур мен!
Башкы – билиглер дамчыдып чоруур чүгле дагдыныкчы эвес, эки сеткил, дидим чорук, харыысаалга, долгандыр кижилерге хүндүткел, Төрээн чуртка ынакшыл болгаш бүгү-ле эки чүүлдерни кылыр чүткүл дээш ажы-төлде эң эки шынарларны кижизидер ужурлуг кижи-дир. Салгалдар аразында харылзааны кадагалап, бистиң чуртувустуң эң эки чаңчылдарын ажы-төлге камныг дамчыдып, оларга бодунуң талантыларын, күжү болгаш үезин ол тураскааткан.
Профессияның онза статузун быжыглап, педагог ажылдакчыларга деткимчениң немелде хемчеглериниң дугайында чарлыкка Россия Федерациязының Президентизи Владимир Путин адын бо чылын салган. Класстар удуртукчуларын, директорларның кижизидилге талазы-биле чөвүлекчилерин болгаш көдээде чурттакчылыг черлерже ажылдап чоруткан башкыларны деткиир талазы-биле комплекстиг хемчеглерни Сибирьде ап чорудуп турар. Амгы үениң школаларының тудуу, өөредилге черлериниң материал-техниктиг баазазын сайзырадыры дээн ышкаш өөредилге адырында инфраструктурлуг чаартылгаларже улуг кичээнгейни угландырган.
Хүндүлүг башкылар! Шудургу ажылыңар, кызыгаар чок шыдамыыңар болгаш ажыл-херекке шынчы чорууңар дээш силерге өөрүп четтирдим. Бөгүн, технологияларның оккур хөгжүлдезиниң үезинде, силерниң миссияңар онза ужур-дузалыг. Информацияның улуг чалгыын сайгарарынга силер уругларга дузалажып, мөзү-шынарның үнелиг угланыышкыннарын хевирлеп, өөреникчилерге сагыш-сеткилиңерниң чамдыызын берип чоруур силер – силерниң ачыңарда төлептиг, угааннныг болгаш сагыш-сеткили оожургал чок кижилерниң чаа салгалы өзүп турар. Эң-не сайзыраңгай чаңгыс-даа мурнакчы технология силерниң деткимчеңерни, чүгле башкы берип шыдаар чылыг сеткилиңерни болгаш чымчак сөзүңерни солуп шыдавас.
Профессионал чедиишкиннерни, өг-бүлеңерге амыр-чаагай чорукту болгаш быжыг кадыкшылды сетткилим ханызындан күзедим! Силерниң өөреникчилериңерниң чедиишкиннери болгаш тиилелгелери силерниң ажылыңарның буяны болуп, Россияны алдаржытсын!
Байырлал-биле!