Чурттуң чырыдыышкын талазы-биле кол шаңналының мөөрейинге Тыва Республикадан 62 кордакчы киришкен. Россияның шупту регионнарындан база 47 даштыкы чурттардан 14 муң билдириишкиннер Знание-Премияже кирген. «Билиг» ниитилели алдыгы сезоннуң киржикчи регионнарының түңнел рейтингизин парлаан.
«Өөредилге организациязынга чырыдыышкын ажыл-чорудулгазы дээш», «Россияның чоннарының чаңгыс демин кадагалап арттырарынга үлүг-хуузу дээш», «Ада-чурт камгалакчыларының маадырлыг чоруктарының дугайныда сактыышкынны кадагалап арттырарынга үлүг-хуузу дээш» деп номинацияларже региондан эң хөй билдириишкиннерни киирген.
«Ада-чурттуң камгалакчыларының маадырлыг чоруктарның дугайында сактыышкынны кадагалаарынга үлүг-хуузу дээш» деп номинацияга Тыва Республикадан журналист Роланда Санданның «Тываның оолдарының маадырлыг чоруктары. Мөңге сактыышкын!» төлевилели киришкен. Тускай шериг операциязынга чок болган тыва дайынчыларга сактыышкынны мөңгежидеринче ол угланган. 2025-2026 чылдарда төлевилел чорудуу-биле: фронтучу волонтерлар-биле 10 видеоинтервью, Ада-чурттуң Улуг дайынының болгаш ТШО дугайында 10 телешиини (Тываның шупту школаларынга болгаш училищелеринге оларны көргүскен), «Тыва Республиканың Сактыышкын ному» үндүрүлгениң ийиги кезээн парлаан. Номда ТШО-га мөчээн маадырлар дугайында 201 очерк кирген. Ол үндүрүлгени чок болганнар дайнычыларның өг-бүлелеринге, ол ышкаш республиканың библиотека четкизинче тараткан. Бот-тывынгыр театр коллективтер аразынга «Театр маадырлар дугайында» деп республика чергелиг бир дугаар фестиваль-мөөрей база эрткен.
Тыва Республиканың Баштайгыларның шимчээшкининиң эрттирип турары национал культураларның «Найырал» фестивалы «Россияның чоннарының чаңгыс аай чоруун кадагалап арттырарынга үлүг-хуузу дээш» деп номинацияда киржип турар. Чоннарның чаңгыс деминге тураскааткан фестиваль уруглар чогаадылгазы таварыштыр аңгы-аңгы чоннарның культуразынга хүндүткелди оттурар. Хемчег ийи чадага эртер: кожууннарга муниципалдыг чадазы база Кызылга төчнү кезээ. Коллективтер танцы-сам, ыры, аас-чогаал көргүзүглерин, ол ышкаш Россияның чоннарының культураларын онзалап көргүскен национал хептерни, өг-бүле херекселдерин, чаңчылчаан аъш-чемнерни бараалгаткан делгелгени болгаш ярмарканы эрттирер.
Тыва Республика «Чылдың чырыдыышкын региону» деп чаа номинацияда база киржип турар: Россияда чырыдыышкын ажыл-чорудулгазынга эки салдарны көргүзүп турар РФ-тиң эң-не идепкейлиг регионун шилиир. «Билиг» ниитилели лауреат регион дугайында долу метражтыг барымдаалыг кинону тырттырар.
«Знание.Премия шаңналдың бирги сезонундан бээр Россияның шупту регионнарындан болгаш Иорданиядан АКШ-ка чедир 79 чурттан, 80, муң билдириишкиннерни хүлээп алган бис. А российжилер чүгле Россияның шупту регионнарындан эвес, а бүгү делегейден: Греция, Пакистан, Тунис, Киргизия, Турция болгаш өске-даа чурттардан киирип турар. Шаңналдың географтыг хемчээли дүгжүп турар. Бистиң номинанттарывыстың эрге-байдалы географтыг улуг премиялар-биле деңнежип турар: чылдың-на оларны ПМЭФ, ВЭФ, Знание.Первые марафону дээн ышкаш улуг чырыдыышкын хемчеглериниң сцена кырынга чылдың-на көрүп турар бис. Бүгү Россиядан киржикчилери боттарының чырыдыышкын төлевилелдеринге регионалдыг удуртукчуларындан деткимчени ап, кады ажылдажылганың чаа саналдарын ап турарлар. Амгы үеде бистиң эксперттеривис чылдың тергииннери база чырыдыышкын төлевилели атче чаа кордакчыларны шилип ап турар. Ооң түңнелдерин четтикпейн манап тур бис» - деп, Россияның «Билиг» ниитилелиниң чиңгине директору Максим Древаль чугаалаан.
Ноябрьга чедир Эксперт чөвүлели 17 номинацияга шаңнаар кыска даңзыны шилиир. Кордакчылар Хүндүлүг жюриниң мурнунга чырыдыышкын ажылын боттары камгалаарынга белеткенир дээш, хөй-ниити мурнунга чугааланырының онлайн-өөредилгезин эртер. 2027 чылда шаңнал тыпсыр байырлыг езулалда тиилекчилерни чарлаар.
Бүгү чуртка Знание.Премия шаңнал тыпсырының регионалдыг езулалдары база болуп эртер: РФ-тиң субъект бүрүзү чылдың тергиин чырыдыкчызы болгаш чырыдыышкын төлевилелин үндүрер. Боттарының регионунда чырыдыышкын ажыл-чорудулгазынга үлүг-хуузу – кол көргүзүг. Знание.Премияның тиилекчилери шаңнал кубтарын алыр.
Знание.Премияның алдыгы сезонун Россияның ТАСС информация агентилели – чиңгине информация партнеру, Rambler&Co медиа-холдинг – стратегтиг информация партнёру, «Аргументы и факты» парлалга бажыңы – албан езузунуң информация партнёру, LIFE онлайн-үндүрүлгези – мультимедиа информация партнёру кылдыр деткип турар.
Медиа-партнерларның аразында «РГ Медиа», «ФедералПресс» медиахолдинг, «Комсомольская правда» медиа-бөлүк, «Известия» делегей чергелиг информация төвү, «Звезда» телерадиокомпаниязы, Россияның Эрге-хоойлу болгаш суд информациязының агентилели (РАПСИ) база бар.