Амгы үеде Тыва Республикада 36 одаар чүүл складтарының 19-зу ажылдап турар. Республиканың кожуун, хоорайларында складтар катап ажыттынып, ажылын эгелээн.
❓Хөмүрнү чиигелделиг өртекке канчаар садып ап болурул?
Чиигелделиг одаар чүүлдү садып алырда, баштай «Хөмүр продукциязы» деп ГИС-те хууда кабинедиңер таварыштыр тускай QR-кодту алыр силер: cpgu.rtyva.ru/web/guest
QR-кодту алырынга бергедээшкиннер тургустунуп кээр болза, МФЦ азы тус черниң чагырга албан чери-биле харылзажыр.
Тыва Республиканың Тарифтер албан чериниң дыңнатканы-биле алырга, Тыва Республиканың Чазааның 2010 чылдың май 21-де № 212 доктаалы-биле бадылаан хөмүр-дашты үүрмектеп садар өртектер чурттакчы чонга күштүг хевээр арткан.
«Тываның даг-руда компаниязы» КХН-ниң чурттакчы чонга садып турары хөмүр-даштың өртээ Каа-Хем биле Чадаананың уургайларында 1 тоннада 3045 рубль 57 көпеек.
☎️ Тыва Республиканың Энергетика болгаш чуртталга-коммунал ажыл-агый яамызының изиг шугум телефону: 8 (39422) 5-15-49