Республика Баштыңы байыр чедириишкининде Тываның хөмүр-даш үлетпүрү Тываның экономиказының үндезинин тургузуп турарын демдеглээн. Шахтерларның күш-ажылы чурттакчыларның бажыңнарынга чылыгны болгаш бүдүрүлгелерниң турум ажылдаарын хандырып турар.
«Бо ажыл кезээде онза тура-сорукту, шыңгыы чурумну, кожа эжиниң бүзүрелдиг деткимчезин негеп келген. Республикага бо берге болгаш амыдыралга чугула адырны чаңгыс чер чурттуглар хүндүлээр» - деп, Владислав Ховалыг байыр чедириишкининде бижээн.
Тываның Баштыңы республиканың хөмүр-даш үлетпүрүнүң үндезинин тургузуп, арга-дуржулгазын аныяк специалистерге дамчыткан хоочуннарга онза өөрүп четтиргенинни илереткен. Ол адырның бүгү-ле төлээлеринге быжыг кадыкшылды, тайбың ажыл хүнүн болгаш келир үеже бүзүрелди күзээн.
Чөөн-Сибирь девискээринде бедик шынарлыг кокстуг хөмүр-даш тывыштыг «Межегейхөмүр» база «Тываның даг-руда компаниязы» КХН-ниң ийи хөмүр чыдынында казыышкыннарны чорудуп турар – «Каа-Хем» биле «Чадаана» уургайлары Тыва Республикада хөмүр-даштың кол хандырыкчылары. Ол ийи компания Тываның экономиказында болгаш регионнуң үлетпүр инфраструктуразында кол черни ээлеп турар.
Шахтер хүнүнүң бүдүүзүнде, «Тываның даг-руда компаниязы» КХН-ниң болгаш «Межегейхөмүр» компанияның эки ажылдыг ажылдакчыларын шаңнаан. Тываның энергетика болгаш чуртталга-коммунал ажыл-агый сайыды Эдуард Куулар база ооң бирги оралакчызы Сүге-Маадыр Чуглур шаңналдарны байырлыг езулалга тывыскан.
ТР-ниң Энергетика болгаш чуртталга-коммунал ажыл-агый яамызының Өөрүп четтириишкин бижиин бажыңнарның комплекстиг хандырылга болгаш септелгезиниң 3-кү разрядтың ажылчыны Куулар Шивит-оол Каадыр-ооловичиге тывыскан.
ТР-ниң Энергетика болгаш чуртталга-коммунал ажыл-агый яамызының Хүндүлел бижиинге: ЭКГ-5А экскаваторнуң 7-ги разрядтың машинизи Бирлей Виталий Владимирович, ЭКГ-5А экскаваторнуң 7-ги разрядтың машинизи Гордеев Николай Николаевич, 3 СБШ-200/60 өрүмнээр дериг-херекселдиң 6-гы разрядтың машинизи Кучковский Вадим Юрьевич, смена начальниги Монгуш Шолбан Сурунович олар төлептиг болган.
«Тыва Республиканың ЧЭК хөгжүдеринге ачы-хавыязы дээш» медаль-биле ЭШ 10/70 экскаваторнуң 8-ки разрядтың машинизи Ооржак Хапыр-оол Амыр-Ашаковичини шаңнаан.
Тыва Республиканың Баштыңының Өөрүп четтириишкининге Аксентьев Игорь Леонидович – механик (дежурный), Салчак Айзана Кан-ооловна – даг ажылдарын чорудар технология талазы-биле техниктиг директорнуң оралакчызы, Хертек Долбан Токаш-оолович – эксплуатация албанының начальниги төлептиг болган.
Тыва Республиканың Баштыңының Хүндүлел бижиин ЭКГ-5А экскаваторнуң 7-ги разрядтың машинизи Кара-Сал Седен Николайовичиге, ЭКГ-5А экскаваторнуң 7-ги разрядтың машинизи Монгуш Рафаэль Зайцевичиге, ортумак класстың автобус чолаачызы Паначев Анатолий Петровичиге, 3 СБШ-200/60 өрүмнээр дериг-херекселдиң 6-гы разрядтың машинизи Плохотниченко Олег Юрьевичиге, СБШ-250МНА-32 өрүмнээр дериг-херекселдиң машинизи Цахновский Игорь Владимировичиге тывыскан.
Тываның Энергетика яамызының ведомство шаңналдарынга «Перспективтиг Технологиялар-Өрүмнээшкин» КХН-ниң даг ажылдарын бүдүрер №1 участоктуң механиги Борзых Иван Алексеевич, «Перспективтиг Технологиялар-Өрүмнээшкин» КХН-ниң «Бус бүдүрер ажыл-агый» участогунуң 3-кү разрядтың электрогазосварщиги Донгак Ай-Хаан Николаевич, «Перспективтиг Технологиялар-Өрүмнээшкин» КХН-ниң Энергомеханика албанының чер адааның 5-ки разрядтың участогунда электрослесарь Хусаинов Александр Рашитович олар төлептиг болган.