Тываның Чазаа IV делегей чергелиг буддийжи форумну белеткээринге болгаш ону эрттиреринге киржип турган кижилерге күрүне шаңнал-макталдарын тывыскан езулалды эрттирген. Оларның аразында тудугжулар, орук ажылдакчылары, малярлар, штукатурлар, чолаачылар, аштакчылар база бизнес-ниитилелдиң төлээлери бар. Республиканың Баштыңы Владислав Ховалыг шаңналдарны тыпсып тура, бо специалистерниң хүн бүрүде кызымак күш-ажылының ачызында Кызыл форум аалчыларын төлептиг деңнелге уткуп алган деп демдеглээн.
Владислав Ховалыг кезээде кадрлар артынга билдинмейн артып каар көзүлбес иштиң кижилери шаңналдарга төлептиг болганын демдеглээш, сеткилиниң ханызындан өөрүп четтиргенин илереткен: «Силерниң күш-ажылыңар дээш четтирдивис! Бо улуг хемчээлдиг хемчегге үлүг-хуузун киирген кижи бүрүзүн ам-даа шаңнаар бис» - деп, Баштың МАХ-та бодунуң каналынга бижээн.
Бүгү-делегейниң IV-кү буддийжи шуулганынга Кызыл хоорайның чаагайжыдылгазынга улуг үлүг-хуузун кииргени дээш, Тываның Баштыңының Өөрүп четтириишкин бижиин дараазында ажыл-ишчилерге тывыскан:
- Воротников Анатолий Алексеевич – «Элита» КХН-ниң чолаачызы;
- Куулар Лилия Дайын-ооловна – «Субедей» спорт школазы» Тыва Республиканың күрүнениң немелде өөредилгези автономнуг албан черлерин комплекстиг хандырар болгаш тудуглар септээр ажылчыны;
- Лопсан Кежик-оол Александрович – «Намзырай» КХН-ниң чиңгине директору;
- Маадыр Мурат Радикович – «Городок» КХН-ниң чыыкчы-монтажниги;
- Мартикян Масис Норикович – «Элита» КХН-ниң дашчызы;
- Монгуш Эльза Валериевна – «Элита» КХН-ниң штукатур-маляры;
- Салчак Буян Алексеевич – «Легион» КХН-ниң чиңгине директору;
- Солонин Александр Валерьевич – «Восток» КХН-ниң ажылдар бүдүрүкчүзү;
- Сарыглар Эрес Анатольевич – «Элита» КХН-ниң чолаачызы;
- Суван Анатолий Кирович – хуу сайгарлыкчы;
- Сат Светлана Семис-ооловна –хуу сайгарлыкчы Ховалыг Кан-Болат Алексеевичиде ажылдап турар маляр;
- Соян Сайдаш Мокуреш оглу – «Хоорайның парк ажыл-агыйы» муниципалдыг бюджет албан чериниң ногаан үнүштер ажаап-карактаар ажылчыны;
- Сандак Артур Михайлович – «Чаагайжыдылга» муниципалдыг казна албан чериниң бок сөөртүр «ГАЗ» автомашинаның чолаачызы;
- Седен-Дамба Шолбан Валерьевич – «Тыва Республиканың кадык камгалал албан черлериниң административтиг-ажыл-агый хандырылга албан чери» күрүнениң бюджет албан чериниң чазаныкчызы;
- Ховалыг Вадим Бадыевич – «Чаагайжыдылга» муниципалдыг казна албан чериниң аштакчызы;
- Шывык Алена Сергеевна – «Чаагайжыдылга» муниципалдыг казна албан чериниң аштакчызы.
Бүгү-делегейниң IV буддийжи шуулганынга Кызыл хоорайның чаагайжыдылгазынга улуг үлүг-хуузун кииргени дээш, Тыва Республиканың Баштыңының Хүндүлел бижиин дараазында улуска тывыскан:
- Дембирел Алдын-Херел Тосяович – «Республиканың №2 эмнелгези» кадык камгалалының күрүнениң бюджет албан чериниң чазаныкчызы;
- Мартикян Манвел Мнацаканович – «Элита» КХН-ниң бетонщиги;
- Ондар Георгий Александрович –«Тыва Республиканың Спорт яамызының спортчу хемчеглер болгаш ажыл-агый эргелели» КБА спортчу объектилер ажыглаар болгаш оран-савалар база тудугларны комплекстиг хандырар килдистиң кол специализи;
- Самдан Сайдаш Николаевич – хуу сайгарлыкчы Ынаалай А.А-С-тиң башкарыкчы дизайнери.
Бүгү-делегейниң IV буддийжи шуулганынга уткуштур Кызылдың чаагайжыдылгазынга улуг үлүг-хуузун киирип, хөй чылдарда ак сеткилдиг ажылы дээш «Тыва Республиканың чуртталга-коммунал ажыл-агыйының алдарлыг ажылдакчызы» хүндүлүг атты «Хоорайның парк ажыл-агыйы» муниципалдыг бюджет албан чериниң чолаачызы Бюрбюжап Найдан-оол Анатольевичиге тывыскан.
Форум бүдүүзүнде бүдүн хоорайда оруктарны септеп, тудугларның даштын чаартып, хөй-ниити шөлдерин чаагайжыдып, «Сүбедей» спорт комплекизин, Тываның күрүне университединиң кол корпузун, Советтиг Тываның 5 чылы аттыг стадионун база өске-даа объектилерни чаартып, улуг белеткел ажылдарын чорутканын демдеглезе чогуур. Форумга белеткел үезинде хоорайның инфраструктуразын чаартканы чүгле хемчегге белеткел эвес, а таарымчалыг хоорай хүрээлеңинге үр хуусаалыг үлүг-хуу болганын республика Баштыңы чаңгыс эвес катап демдеглээн.