Август 15 биле 17-ниң хүнүнде бедик класстың «Российские Витязи» авиация бөлүү Кызылдың дээринге көргүзүг ужудуушкуннарын кылыр. Республиканың чурттакчылары болгаш аалчылары Россияның ат-сураглыг пилотаж бөлүктериниң бирээзиниң күүселдезин көөр аргалыг.
Кызылдың хем эриинде «Азия төвү» деп обелиск кырынга ужудар.
Дүштекиниң 14 шакта ужудукчулар агаар-бойдусту шинчилеп, канчаар ужударын өөренип көргеш, 16 шакта көргүзүг ужудуушкунну кылыр.
Ужудуушкуннуң үези агаар-бойдустан болгаш айыыл чок чоруктан хамааржыр деп, «Российские Витязи» пилотаж команда MAX каналынга дыңнаткан.
Көрүкчүлерни хөй кижилер тырлып, орук шимчээшкининге шаптык катпазы-биле баш бурунгаар көөр таарымчалыг черни шилип алырын сагындырган.
Кызылдың чурттакчыларынга болгаш аалчыларынга солун болуушкун апаар көргүзүг ужудуушкуннар Тываның найысылалының дээринге российжи шериг ужудукчуларының кайгамчык арга-мергежилин бараалгадыр.