Тыва Республика хүнүнге тураскаадып, Тываның чурттакчыларынга августуң 17-ден 23-ке чедир кыска ажылчын неделяны чарлаан: бо чылын байырлал хүнү август 15, азы суббота хүнүнге таваржы бергенинден, дыштаныр хүннү август 17-ниң понедельникче шилчиткен. Ынчангаш IV делегей чергелиг буддийжи форумнуң ажыттынганын демдеглээн хүн – Тывага байырлал хүнү апаар. Республиканың чурттакчылары август 18-те, вторникте, ажылче үнер.Тыва Республика хүнүн 1991 чылдан бээр чылдың-на демдеглеп турар. 1921 чылдың август 15-те Бүгү-Тываның бирги тургузукчу хуралынга Үндезин хоойлуну хүлээп ап, Таңды-Тыва Улус деп чаа бот-догуннаан күрүнениң удуртуп-башкарар органнары тургустунган. 1999 чылда август 15-ти Республика хүнүнге тураскааткан байырлалдың немелде дыштаныр хүнү кылдыр чарлаан.
Регионга күрүне байырлалын демдеглээн культура-массалыг, спортчу болгаш билиишкинниг элээн каш хемчеглер чаңчыл ёзугаар болуп эртер. Республиканың Чазаа кел чыдар байырлалдың программазын бадылаан.
Тыва Республика хүнүнге тураскааткан хемчеглер планы
Медээ-чырыдыышкынныг хемчеглер
Август 10-16
- «Мээң республикам – Тыва» номнар делгелгези – А.С. Пушкин аттыг Тыва Республиканың Национал библиотеказынга.
Август 11-16
- «Чуртум, черим – Тыва» ном-каасталгалыг делгелге;
- «Чечектел-ле, төрээн Тывам» хол-биле бижээн ноталар делгелгези – А.С. Пушкин аттыг Тыва Республиканың Национал библиотеказынга.
Август 15
- «Кызыл – төөгүлүг хоорай» фоточуруктар делгелгези – Тыва Республиканың Национал музейиниң сайтызынга;
11:00 шакта – музейге темалыг болгаш тайылбырлыг экскурсиялар – Тыва Республиканың Национал музейиниң залдарынга;
12:00 шакта - Ус шеверлер делгелгези;
- «Камгалал ойнаар-кыс» кылырынга мастер-класс;
- «Дойнуң хуулгаазыны» мастер-класс – «Арбат» шөлүнге.
Культура-массалыг хемчеглер
Август 14
- 11:00 шакта – «Кочетов – Тыва Арат Республиканың төрүттүнген кавайы» байырлыг митинг – Таңды кожууннуң Кочетово сумузу;
- 16:00 шакта – «Культуралар диалогу: хөй националдыг Тыва» чаңгыс чер чурттуглар ужуражылгазы – И.Г. Сафьянов аттыг Орус культура төвү.
Август 15
- 11:00 шакта – тыва күрүнениң тургузукчуларның бирээзи Монгуш Буян-Бадыргының тураскаалынга митинг, чечектер салыры – Буян-Бадыргы тураскаалынга;
- 12:00 шакта – «Чоргааралым сен, Республикам!» деп асфальтыга чуруктар мөөрейи – Н.Гастелло аттыг Тыва Республиканың культура болгаш дыштанылганың национал парыгынга;
- 14:00 шакта – «Тыва Республикам» байырлалдың концерт-көргүзүглүг программазы - «Арбат» шөлүнге.
Спортчу хемчеглер
Август 14
- 10:00 – оолдар болгаш уруглар аразынга тыва ча адарынга «Тыва ча адар оюн: баг адар хевири, борбаанды адар хевири» деп Тыва Республиканың Бирги чери дээш маргылдаа -
В.С. Биче-оол аттыг «Хүреш» стадионунга.
Август 15
- 10:00 шакта – Кызыл хоорайның холушкак командалар аразынга волейболга ажык маргылдаазы – И. Ярыгин аттыг «Спорт» спортчу комплекске;
- 10:00 шакта – бичии болгаш элээди мөгелерниң 5 аңгы бөлүүнге Тыва Республиканың Бирги чери дээш тыва хүреш маргылдаазы – В.С. Биче-оол аттыг «Хүреш» стадионунга.