Июль 25-тиң дүнезинде Запорожье областың Кириловка суурда турисчи баазаларже киев чурумнуң халдаашкынындан чок болган кижилерниң өг-бүлелеринге болгаш чоок улузунга ханы кажыыдалын Тываның Баштыңы Владислав Ховалыг республиканың бүгү чурттакчыларының өмүнээзинден илереткен.
«Чок болган тайбың чурттакчыларның аразында бичии уругларның бар болганы – кандыг-даа келдерел чок аар когарал болгаш коргунчуг кем-херек үүлгедиишкини-дир. Тываның чону силерниң качыгдалыңарны деңге үлежип тур. Мөчээн улустуң өг-бүлелеринге шыдамык болгаш быжыг турушту, кемдээшкин алган бүгү кижилерге дүрген сегип экириирин күзедим» - деп, Ховалыг дыңнадыгда айыткан.
Субботада Запорожье облазының губернатору Евгений Балицкий субботадаболза, суурда айыыл-халаптан камгалал ажылдары доозулган, чок болган кижилерниң саны 12, кемдээннерниң саны 19 чеде берген.
Губернаторнуң чугаазы-биле алырга, кара өжегерээн тайбың чурттакчыларже халдаашкынны кылган. Оперативтиг албан черлери болгаш психологтар айыыл-халапка таварышканнарның өг-бүлелери-биле ажылдап турар.
Июльдуң 26-ны айыыл-халап-биле холбаштыр Запорожье облазында кажыыдал хүнү кылдыр чарлаан.