Июль 23-24 хүннеринде болуп эртер «Наадым-2026» деп республиканың малчыннар байырлалының кол хемчеглериниң үезинде, Кызылдың чурттакчыларынга болгаш аалчыларынга эптиг болзун дээш, автовокзалдан Тос-Булакка чедир тускай автобус маршрудун организастаан.
Автобустар 7:30 шакта автовокзалдан (Дружба кудумчузу 55) халдып эгелээр. Автобустар 40 минут болгаш-ла үнүп турар.
Автобустарның халдыр маршруду:
Автовокзал – Мөңгүлек – Дом быта – Почта – Гагарин кудумчузу – Титов кудумчузу – Бай-Хаакская кудумчузу, 2 – Бай-Хаакская кудумчузу, 8 – Тос-Булак.
Автобустар дола бээрге-ле дедир хоорайже кирер болгаш, 23:00 шакта ажылы доостур. Орук өртээ — 80 рубль.
Республиканың чурттакчылары болгаш аалчылары Наадымның байырлал хемчеглерин сонуургап көөр дизе, хөй-ниити транспортунга олрупкаш, таарымчалыг байдалда чедип ап болур.