Июль 17-19 хүннеринде Тывага VI Регионнар аразының «ВерховьЁ» орус культура фестивалы Каа-Хем кожууннуң чараш бойдус чурумалдыг Сизим суурунуң девискээринге болур. Аңаа орус культураның үндезин ёзу-чаңчылдарының кадагалакчылары, ус-шеверлер, чогаадыкчы коллективтер болгаш өске-даа аалчыларның кээри манаттынып турар.
Фестивальды Россияда чоннарның чаңгыс деминиң чылынга болгаш Тывада чарлаттынган Тургузукчу күш-ажылдың болгаш өг-бүле ыдыктарының чылынга тураскаадып эрттирер. Ооң кол-ла сорулгазы – чоннар аразында найыралды быжыктырары, чаңчылчаан орус культураны, ёзу-чаңчылдарны нептередип, ону кадагалап арттырары болгаш культурлуг болгаш болуушкуннар-биле байлак туризмни хөгжүдери.
Фестивальдың программазында:
- улустуң ырларынга мөөрей;
- пляска болгаш улустуң ырларынга мастер-класстар;
- ус-шеверлерниң кылыгларының делгелге-ярмарказы;
- фотозоналар мөөрейи;
- старообрядчыларның рецептизи ёзугаар хайындырган алдарлыг «Малоенисейскиниң балык мүнү»;
- байырлажыышкынның одаа;
- чогаадыкчы ужуражылгалар, экскурсиялар.
«ВерховьЁ» — ол анаа-ла фестиваль. Ол дээрге эрги орус культураның кадагалакчылары, староверлерниң, ук-төөгүзүнден бээр сагып чоруур езу-чаңчылдары, ыр-шоору, пляскаларын сонуургап көөр болгаш амданныг аъш-чемин амзаар кончуг солун байырлал-дыр.