Тываның чурттакчылары амгы үениң сан-чурагай арга-хевири – удур харылзаалыг шөлүнүң дуззазы-биле, күрүне эрге-чагыргаорганнары-биле харылзажып, чидиг айтырыгларны дүрген дыңнадып болур. Регионнуң башкарылга төвүнүң дыңнатканы болза, республиканың хамаатылары эрткен неделяда ол ачы-дузаны 95 катап ажыглаан. Эң нептереңгей айтырыглар электроннуг бижидилге (46), эмчи хандырылгазы (23), өөредилге ачы-дузалары-биле (5) холбашкан айтырыглар болган.
Бо онлайн-сервисти хамаатыларның айтырыгларын дүрген шиитпирлээр дээш тургускан. Ол чурттакчыларга күрүне албан черлери-биле дорт харылзажып, дүрген харыыларны алырынга дузалаар. «Сан-чурагайлыг экономика» национал программаның «Сан-чурагайлыг күрүне башкарылгазы» федералдыг төлевилели езугаар ол арганы тургускан.
Дилегни элээн каш арга-биле киирип болур: күрүне ачы-дузаларының порталы таварыштыр, «Күрүне ачы-дузалары. Кады шиитпирлээлиңер» деп мобильдиг капсырылга таварыштыр, ол ышкаш күрүне албан черлериниң сайтыларында болгаш социал четкилерде тускай виджеттер таварыштыр. Чижээ, Тыва Республиканың Чазааның албан езузунуң хөй-ниити арнында Удур харылзаа платформазынче киргеш, «Чидиг айтырыгларны дыңнат» деп виджетче базар:
Платформаны ажыглаар дизе, күрүне ачы-дузалары порталда бадыткаттынган аккаунтызы херек.
Удур харылзаа платформазы таварыштыр кандыг-даа айтырыгларны дыңнадып болур. Чижээ, херим иштинде бок-сак, ажылдавайн турар фонарьлар, ээзи чок ыттар чыылган чер, эмчиже бижидеринде болгаш янзы-бүрү ачы-дуза алырында бергедээшкиннер, школа чемненилгезиниң айтырыглары дээш, оон-даа өске чүүлдерни дыңнадып болур. Ведомство 10 хонук дургузунда дыңнадыгга харыыны бээр ужурлуг, а билдириишкиннерге - 30 хонук дургузунда харыылаар. Киирген билдиришкини канчап турарын онлайн таварыштыр хайгаарап болур. Шупту дыңнадыглар камгаалалдыг болгаш контрольда болур.
Удур харылзаа платформазында айтырыг-харыыларга киржип, чугула социал төлевилелдер дээш үнүн берип, нормативтиг актылар төлевилелдеринге хамаарыштыр бодалдарын илередип болур арга бар.
2026 чылдың майның көргүзүү-биле алырга, удур харылзаа платформазы таварыштыр харыыларны ортумаа-биле 2-3 хонук дургузунда ап болур.