Россия Федерациязының Президентиниң Сибирь федералдыг округта бүрүн эргелиг төлээзи Анатолий Серышев Омск облазының губернатору Виталий Хоценко-биле ажыл-агыйжы байдалда ужурашкан. Улуг инвестиция төлевилелдерин боттандырары, үлүг ээлериниң айтырыгларын шиитпирлээри, эргижирээн чуртталга бажыңнарындан чурттакчыларны өскээр көжүрери, 2026–2027 чылдың чылыг сезонунга регионну белеткээри - кол кичээнгейни алган.
Регионнуң баштыңы бүрүн эргелиг төлээге Россия Федерациязының Президентизи-биле ужуражылганың түңнелдерин, тодаргайлаарга, шынчы эвес тудугжулардан когараан хамаатыларның эргелерин катап эгидер талазы-биле кылып чоруткан ажылдарны таныштырган. Виталий Хоценко Федералдыг девискээр хөгжүлде фондузу-биле кады боттандырар чамдык объектилерге шиитпирлерни, тудугну доозарының механизмнерин болгаш компенсация төлевирлерин сайгарып көргенин чугаалаан. Оон аңгыда, регионда федералдыг деткимче программаларынче кирбейн турар тудугларга хамаарыштыр ажылдар уламчылаар. Аңаа улуг хемчээлдиг инвестиция төлевилелдеринче инвесторларны хаара тудуп турар дээн ышкаш, регионалдыг арга-хевирлерни ажыглап турар.
Регионнуң инвестиция идепкейин болгаш моон-даа соңгаар экономиктиг өзүлдениң перспективаларын база чугаалашкан. Омск облазы турум хөгжүлдени көргүзүп турар: регионнуң каттышкан продуктузу 1,5 триллион рубль ашкан, үлетпүр бүдүрүлгези бурунгаар өзүп турар, а регион үлетпүр политиказының үре-түңнелдиг чоруу-биле мурнуку черни ээлээн.
Бүрүн эргелиг төлээ ажылчын сургакчылаашкын үезинде, Омск облазының баштайгы эмчи-санитар дузаны көргүзүп турар эмнелге организацияларынче транспорт аймаан, ооң санында көжүп чоруур медицина комплекстерин дамчыдарынга киришкен. «Узун болгаш идепкейлиг назын» национал төлевилел езугаар сөөлгү ийи чылда округтуң регионнарында эмнелге албан черлеринче 700 ажыг дүрген дуза машиналарын дамчыткан.
«Амгы үениң боорда, идегелдиг транспорт баазазы дээрге, чүгле таарымчалыг байдал эвес, ылаңгыя кадык камгалалының бирги эмчи-санитар дузазынга хамааржыр чугула айтырыг-дыр. Бо чаа машиналар-биле эмчилер эң ыраккы чурттакчылыг черлерде аарыг кижилерже дүрген чедип, а чурттакчы чон бажыңының чоогунга шынарлыг эмчи дузазын үе шаанда алыр аргалыг апарган» - деп, бүрүн эргелиг төлээ демдеглеп, социал эгелээшкини дээш «Транснефть» база «Транснефть – Барыын Сибирь» компанияларның удуртулгазынга четтиргенин илереткен.