Тураскаалды Тиилелгениң 30 чылы аттыг хоорай парыгынга тургускан, ол Ада-чурттуң Улуг дайынының киржикчилеринге, тус чер дайыннарынга болгаш изиг точкаларга когарааннарга, Чернобыль маадырларынга, шериг эмчилеринге тураскаалдар, православ хүрээ, музей, совет үениң дайынчы техника делгелгези, маадырларның ат-сывын болгаш оларның маадырлыг чоруун тайылбырлаан интерактивтиг багана бар мемориалдыг комплекстиң бир кезээ болур.
Россия Федерациязының Омск область талазы-биле Федералдыг айыыл чок чорук албанының эгелээшкини-биле, Ада-чурттуң сонуургалдарын камгалаар профессионал хүлээлгезин хөй чылдар дургузунда күүседип келген кижилерге тураскаадып ону тургускан
Россия Федерациязының Президентизиниң Сибирь федералдыг округта бүрүн эргелиг төлээзи Анатолий Серышев байырлыг ажыдыышкын үезинде, бо болуушкуннуң чугулазын болгаш ужур-утказын тайылбырлаан:
«Күрүнениң айыыл чок чорук органнарының төөгүзү бистиң чуртувустуң төөгүзү-биле сырый холбаалыг. Бистиң ажылдакчыларывыстың эрес-дидим болгаш бодун хайыралавас чоруунуң ачызында, Россия келир үеде бодунуң хамаарышпас чоруун база бот-догуннааашкынын тодарадыр эргени кадагалап алган. Ада-чурт болгаш ооң хөгжүлдези дээш амы-тынын берген кижилерге сактыышкынны бөгүн хумагалап арттырары онза чугула» - деп, бүрүн эргелиг тураскаалдың ажыдыышкынынга киришкен кижи бүрүзүнге четтиргенин илереткеш, демдеглээн.