Россияның Президентизиниң Сибирь федералдыг округта бүрүн эргелиг төлээзиниң албан еузунуң сайтызында байыр чедириишкинин парлаан. Бөгүн, геополитиктиг турум эвес үеде, кызыгаар шериглери Ада-чурттуң сонуургалын болгаш айыыл чок чоруун бүзүрелдиг камгалап, ооң мурнунда ажылдап чораан кызыгаражыларның алдарлыг чаңчылдарын уламчылап турар силер деп, Анатолий Серышев кызыгааржыларның ажылын үнелээн.
"Силерниң албан-хүлээлгеңер ылаңгыя тускай шериг операциязының үезинде чугула ужур-уткалыг. Кызыгаарда турар регионнарның айыыл чок чоруун хандырар дээш, кызыгаар албанының ажылдакчылары диверсия бөлүктериниң кирерин, ок-чепсек болгаш айыылдыг материалдарны хоойлуга удур садыглаашкынын болдурбайн, өскерлип турар байдалдарны дүргени-биле эскерип ажылдап турарлар. Даңгырааңарга шынчы болгаш национал эрге-ажыывысты, чуртувусту, чонувусту кандыг-даа үеде камгалаарынга белениңер дээш четтирдивис" – деп, бүрүн эргелиг төлээ бодунуң байыр чедириишкининде кызыгаар камгалакчыларының аныяк салгалынга үнелеп четпес арга-дуржулгазын дамчыдып турар хоочуннарга өөрүп четтириишкинниң тускай сөстерин айыткан.
"Россияның кызыгааржылары моон-даа соңгаар хүлээлгелерин тергиин эки күүседир дээрзинге бүзүрээр мен. Силерге шуптуңарга кадыкшылды, чаагай чорукту, профессионал чедиишкиннерни, чоок кижилериңерниң деткимчезин, тайбың дээрни, чаа-чаа чедиишкиннерни күзедим" – деп, Анатолий Серышев күзээн.