Удавас чай дүжүп, чылдың уруглар байырлалдарының бирээзи – Бүгү-делегейниң уруглар камгалалының хүнүн демдеглеп эрттирер. Ол хүн Тывага янзы-бүрү ниитилел-социал, культура-дыштанылга, спортчу, информастыг-чырыдыышкын хемчеглери хөйү-биле эртер.
Байырлал хүнүнге тураскаадып, эмнелге албан черлеринге ажык эжиктер хүннеринде акцияларни чарлаан. Чаңчыл езугаар чаа төрүттүнген чашты байырлыг байдалга бүрүткээр. Ол хүн республиканың өөредилге черлеринге баштайгы хүндүскү лагерьлер ажыттынар, түр када дыштанылга төптери база ажылын эгелээр. Республиканың хоорайлар болгаш суурларынга байырлалдың бичии маадырларынга хөй санныг дыштанылга хемчеглерин организастаар.
Июнь 1-де Тываның найысылалынга элээн каш байырлал шөлдери ажылдаар. Кандыг хемчеглер каяа база кажан болурунуң дугайында тодаргай медээлерни адаанда парладывыс.
2026 чылдың июнь 1-де Кызылга Бүгү-делегейниң уруглар камгалалының хүнүнде кол хемчеглер планы«Хүреш» стадиону
10:00 шакта – Бүгү-делегейниң уруглар камгалалының хүнүнге тураскааткан бичии болгаш элээди оолдар аразынга тыва хүреш маргылдаазы.
«Кызыл-Москва» сесерлии:
10:00 шакта – бичии уругларның асфальтыга чурук конкурузу. Уругларның кылганы ракеталар модельдерин ужудар көргүзүг.
12:00 шакта – спортчу туризм шөлчүгежи;
– «Айыыл чок чорук лабораториязы» мобильдиг комплекстиң профилактиктиг хемчээ;
12:00 - 15:00 шактарда – кинезиологиялыг уруглар шөлү;
- «Россияның эзиржигештери» темалыг оюн шөлү.
Туберкулезка удур диспансер, Тываның ойнаар-кыстар театры
10:00, 12:00 шактарда – «Чебурашка орукта» деп шииниң көргүзүү.
Аныяктар сесерлии:
11.00 шакта – Кызыл хоорайның уругларның шылгараңгай чогаадыкчы коллективтериниң киржилгези-биле Уруглар камгалалының хүнүнге тураскааткан байырлал концерти;
– темалыг оюннар шөлдери база асфальтыга чуруктар мөөрейлери;
– мастер-класстар;
– аниматорлар көргүзүү, аква-грим;
– «Орус ойнаарактар» делгелге;
– хову кухнязы;
– өрт өжүрер техника делгелгези;
– патруль машиназының делгелгези;
– кинологтарның көргүзүү, автоматтар чазып-эптээри.
ТР-ниң культура болгаш дыштанылганың национал парыгы:
11.00 шакта – «Профессионал чурукчу-биле арт-мастерская»деп уран чурулга мастер-клазы;
11.00 - 16.00 шактарда – парктың төп шөлүнге брейк-данска уруглар баттлы;
11.00 - 17.00 шактарда – парктың төп сценазынга саваңдан хейлер үндүрер шоу;
12.00 - 18.00 шактарда – «Чаа салгалдың номнары», «Номнар – тулган өңнүктер» номнар делгелгези база «Чайның чүзүн-бүрүн өңнерин - уругларга» деп байырлалдың оюннар программазы;
13.00 шакта – асфальтыга чуруктар мөөрейи;
18.00 - 20.00 шактарда – парктың кол сценазынга уругларның чогаадыкчы коллективтериниң киржилгези-биле концерт программазы.
И.Г. Сафьянов аттыг орус культура төвү
11.30 шакта – Соңгу чүктүң эвээш санныг үндезин чоннарының база 55-ки аңгы гвардейжи мотоадыгжы бригаданың ажылдакчыларының ажы-төлүнге концерт программазы.
Алдан-Маадыр аттыг Национал музейниң чанында өг
12:00 шакта – «Кажык», «Даалы» тыва оюннарны ойнаары.
ТЮЗ-туң көрүкчүлер залы
12.00 шакта – «Экии, чай! Ура, дыштанылга!» деп 62-ги театр сезонун хаары.
Алдан-Маадыр аттыг Национал музей
12.00 -15.00 шактарда – чогаадыкчы кичээлдер: квест-оюннар, мастер- класстар, фотоделгелгелер.
Аныяктар ордузунуң чанында ажык шөлчүгеш
12:00 - 15:00 шактарда – «Баштайгылар шимчээшкининиң фестивалы» уруглар болгаш элээдилер фестивалы.
Н. Рушева аттыг сесерлик
13.00 шакта – «Чаштар делегейи – тоолчургу чүүлдерниң делегейи» деп байырлал программазы.
«Победа» спортчу-культура төвү
16.00 шакта – «№ 1 ШОУ» танцы-сам фестивалы.
Аныяктар ордузу
– өг-бүле фильмнерин, уруглар кинозун база анимациялар көргүзери.