Т
ываның Дээди Хуралының Даргазы Каң-оол Даваа Тываның Баштыңы, «Чаңгыс демниг Россия» партияның регионалдыг салбырының секретары Владислав Ховалыг биле Россияның Президентизиниң аразында албан аайы-биле ужуражылгазы республиканың хөгжүлдезинге федералдыг чазактың деткимчезин база катап бадыткаанын демдеглээн. Тываның парламентизиниң даргазы Владимир Путинниң Кызылга кээп аалдап чорааш бергени угланыышкыннарда ажылдарның шимчээшкинин дугайында республика Баштыңының илеткелин демдеглээн. Ынчан, 2024 чылда айыткан улуг хемчээлдиг планнары бөгүн боттанып турарының дугайында бүзүрелдиг чугаалап болур бис деп, Каң-оол Даваа чугаалаан:
«Республика чуртталга болгаш социал объектилер тудуун дүргедедип, ооң-биле чергелештир көдээ черлерни быжыглаан. Оон аңгыда, амгы үеде Тываже улуг инвестициялар идепкейлиг кирип, ажылчын олуттарны тургузуп турар. Регион энергетика чедишпезин ажып эртип, транспорт коридорларын болгаш делегей чергелиг маршруттарны сайзырадып тургаш, логистикада ролюн элээн өскерткен» - деп, Дээди Хуралдың удуртукчу регионда инфраструктураны хөгжүдериниң узун хуусаалыг ажылдары чоруп турарын бодунуң ВКонтакте арынында бижээн.
«Федералдыг болгаш регионалдыг төлевилелдерни болгаш программаларны боттандырарының хоойлу-дүрүм баазазын хандырарынга Дээди Хурал биле Тываның Чазааның аразында кады ажылдажылганың тодаргай арга-хевирлери тургустунганын демдеглексеп тур мен. Федералдыг төптүң бүзүрелиниң болгаш чер-черлерде демниг ажылдың ачызында Тыва оон-даа улуг айтырыгларже киреринге белен дээрзинге бүзүрээр мен» - деп, Каң-оол Даваа түңнээн.