Россия Федерациязының Президентизиниң Сибирь федералдыг округта бүрүн эргелиг төлээзи Анатолий Серышев «СКИФ» батальонунга балыгланган оолдарны эвакуациялаар болгаш чүък сөөртүр автономнуг көжүп чоруур платформаны таныштырган.
«Эр-хей, оолдар, ажыл-албаныңар дээш четтирдивис. Силерни деткип, шыдаар шаавыс-биле дузалажыр бис. Бодуңарны камнаныңар, Тиилелгелиг ээп чанып келир силер» - деп, бүрүн эргелиг төлээ чугаан.
Анатолий Серышев дайынчылар, оларның өг-бүлелери, эш-өөрү-биле доктаамал харылзааны тудуп, гуманитарлыг ачы-дуза чыылдазында киржип турар. Красноярскиниң заводунга чаа робот комплекизин хууда чагыг-биле чогаадып, бүдүрген. Ол 250 кил чедир чүък чүдүрүп шыдаар. Ынчангаш дайын шөлүнден кемдээн дайынчыларны үндүрүп, эмчи ажылдакчыларынга аъш-чем болгаш ок-чепсекти айыыл чокка чедирип болур машинаны ырактан башкарарө. Комплексти Харьков облазында дайынчы даалгалар күүседип турар «СКИФ» батальонунга хүлээдир.