Россияның Президентизи Владимир Путин Тываның Баштыңы Владислав Ховалыгга база Тыва Республиканың чурттакчы чонунга Тиилелге хүнү-биле байырны чедирген.
«Каржы-дошкун болгаш кээргел чок дайзынга дүжүп бербейн, нацизмни чылча шаап, Ада-чуртту кадагалап, бүгү делегейни камгалап алган адаларывыстың, кырган-ачаларывыстың болгаш өгбелеривистиң улуг маадырлыг чоруу дээш, ажы-төлү чоргаарал-биле ыдыктыг бо байырлалды кезээде демдеглеп турар бис. Оларның тура-соруу, бедик хей-аъды база шынчы чорукка бүзүрели Төрээн чуртунга ханы ынакшылдың, ооң салым-чолунга бодунуң киржилгезиниң көскү чижээ болуп чоруур. Силерге чедиишкиннерни болгаш бүгү-ле эки чүүлдерни күзедим» — деп, президентиниң телеграммазында бижээн.
Россияның Чазааның Даргазы Михаил Мишустин, Сибирь федералдыг округта Президентиниң бүрүн эргелиг төлээзи Анатолий Серышев, Күрүне Думазының депутаттары, Федерация Чөвүлелиниң кежигүннери, федералдыг яамыларның удуртукчулары, Россияның хөй санныг регионнарының, ооң иштинде Донецк болгаш Луганск Улус Республикалар, Кабардин-Балкария, Кузбасс, Марий Эл, Ленинград облазының дээш, оон-даа өске губернаторларАда-чурттуң Улуг дайынынга Тиилелгениң 81 чыл ою-биле Тываның чурттакчыларынга база байырын чедиргеннер.