Владислав Ховалыг дүүн Улуг-Хем кожуунда дүүн 3 кижиниң амы-тынын алгаш барган орук озал-ондаанга хамаарыштыр тайылбырны берген. MAX мессенджеринде ооң албан езузунуң каналынга ол медээни парлаан.
Владислав Ховалыг кежээки үеде орук озал-ондактарның хөй кезии мал-маганның киржилгези-биле болуп турарын демдеглээн: «Кежээликтей бүлүртүңней бээр болгаш, чолаачы хензиг чүведен-не озалдай берип болур. Хомуданчыг чүүл, ындыг частырыгның өртээ – кижилерниң амы-тыны» - деп, ол демдеглээн.
Республика Баштыңы ылаңгыя хоорайдан дашкаар чоруурунда кончуг кичээнгейлиг болурунче кыйгырган.
«Караңгыда орукка серемчилелди салбас ужурлуг силер. Бажыңыңарда силерни онча-менди чанып келириңерни манап турар дээрзин утпаңар» - деп, Владислав Ховалыг сагындырган.