Бүгү-делегейниң херээженнер хүнү Март 8-ке тураскааткан хемчеглер республикага 2026 чылдың марттың 2-ден 9-ка чедир болуп эртер. Байырлалдың программазын хөй талалыг: байырлал концерттери болгаш театржыткан көргүзүглерден эгелээш, профилактиктиг акциялар болгаш спортчу маргылдааларга чедир янзы-бүрү хемчеглерни хаара туткан. Шупту муниципалдыг тургузугларга культурлуг, өөредилге, спортчу болгаш социал хемчеглер болуп эртер.
Культура программазы
Марттың 6-да 12:00 шакта В.Көк-оол аттыг Национал хөгжүм-шии театрынга байырлал концерти кол болуушкун болур. Ол-ла хүн 18:00 шакта «Найысылал» арт-төпке Тываның национал хөгжүм база танцының «Саяннар» театрының гала-концерти болур.
Марттың 7-де Кызыл хоорайның культура албан черлеринге: Тыва культура төвүнге «Ырлажыылы» деп концерт, Тываның күрүнениң ойнаарактар театрынга «Мөңгеде дириг» деп шии, В.М. Халилов аттыг Тываның күрүне филармониязынга Айдың Седииниң концерти планнаттынган.
Марттың 8-те 18.00 шакта В. Көк-оол аттыг национал театрга «Кара и Седип» деп шиини көргүзер.
Тываның төөгүзүнде болгаш культуразында херээжен кижиниң ролюн көргүскен номнар болгаш интернет-делгелгелер, угаан оюннары, темалыг лекциялар болгаш экскурсиялар неделязы болуп эртер.
Хоорай болгаш хөй-ниити акциялары
Марттың 6–8-те республикага «Эргимнерим, силерге!» деп бүгү-российжи акция.
Марттың 7-те 12:00 шакта Кызыл хоорайның Арбадынга тюльпаннар сөңнээр акция болур.
Аныяк армейжилер «Километр чараш чүүл» акцияны база аныяктар болгаш хөй-ниити организацияларының киржилгези-биле байыр чедириишкинниг элээн каш хемчеглер планнаттынган.
Спортчу хемчеглер
Байырлал неделязында болур хемчеглер:
• Дүрген ойнаар шыдыраага Тыва Республиканың чемпионады (марттың 2–3);
• 16 хар чедир элээдилер аразынга мини-футболга Тыва Республиканың бирги чери дээш маргылдаа (марттың 4–8);
• Күш-ажылчы коллективтерниң херээженнер ортузунга спартакиадазы (марттың 7);
• херээженнер ортузунга хаактыг чарышка республика маргылдаалары (марттың 7, Тайга станциязынга).
Социал-профилактиктиг эгелээшкиннер
Херээжен чоннуң кадыкшыл байдалынче онза кичээнгей салдынар. Марттың 2-ден 6 хүннеринде эмнелге организациялары иштелип-саатталырынга база үре-сады кадыкшылынга хамаарыштыр консультацияларны организастаар.
Марттың 6-да, Кызыл хоорайда «Гаруда» садыг төвүнүң чанынга көжүп чоруур маммография болгаш флюорография мобильдиг комплекстери ажылдаар. Тускай эмнелге албан черлери психологтуг дузаны чажыт чедирер.
Байырлал программазы өг-бүлелерниң ыдыктарын быжыглаарынче, херээженнерни деткииринче, ол ышкаш хүндүткелдиң болгаш өөрүп четтириишкинниң хүрээлелин тургузарынче угланган.