Хоорай чагыргазының шиитпири-биле, февраль 17-де Шагаа бүдүүзүнде, чаңчылчаан дүнеки мөргүлдер эрттирер черлерже хөй-ниити транспортунуң чоруурун 23:00 шакка чедир узаткан. 2а, 5а, 15а, 18, 25, 27, 22, 20, 13 дугаар маршруттар кежээге чедир ажылдаар.Ай санаашкыны-биле Чаа чылды (Шагаа) уткаан шажынчы езулал «Номналдарга» барып киржир дээн чүдүкчүлерге таарымчалыг байдалды тургузуп, ону кылган. Февральдың 17-де 22 шактан февраль 18-те эртенгиниң 5 шакка чедир болур дүнеки мөргүлдер - кол чүдүлге езу-чаңчылдарның бирээзи. Чүдүкчүлернии-биле алырга Чаа чылда арыгланып, чаагай сеткил-биле ону уткуп алыры чугула.
Мөргүл үезинде, буддийжи мантраларны номчуп, өөрүп четтиргенин база келир чылга эки күзээшкиннерни илередир. Чүдүкчүлер сүт аймаандан кылган ак чемнерни эккелгеш, оларны өргүүр.
Мөргүлдер дараазында черлерге болурун сагындыраал:
* «Ганден Чойпелинг» хүрээзи (солагай талакы эрик)
* «Дамба Брайбулинг» хүрээзи (Фрунзе, 46)
* «Даши Панделинг» хүрээзи (Колхозная, 101)
* «Цеченлинг» хүрээзи (Щетинкина-Кравченко, 2)
* «Тубтен Щедрублинг» хүрээзи (Московская, 72)
* «Үстүү-Хүрээ» хүрээзи (Чөөн-Хемчик кожуун)
* «Енисей» ХКБ (оң талакы эрик, Набережная, 80)
* Улусчу чогаадылга төвү (Щетинкин-Кравченко, 46).
Теги:
Шагаа, дүнеки мөргүл, Тыва