Россияның өске регионнарында дег, Тываның чурттакчылары февральдың 1-ден эгелеп улгаттырган социал төлевирлерни алыр. Социал фондунуң регионалдыг салбырының удуртукчузу Часкал Дараа б аппарат хуралында ооң дугайында Тываның Баштыңынга дыңнаткан. Өзүлде 5,6 хуу болган, ол инфляцияның деңнелинге дең.
Фондунуң көргүзүп турары пособиелер болгаш компенсациялар дээш 40 ажыг төлевирлерин эде санаан. Чижээ, бирги төлге ие капиталының хемчээли 728921,90 рубль, а ийиги төлге 963243,17 рубль апарган. Программа эгелээнден бээр Тывада 59969 ие капиталының сертификадын, ооң иштинде 2025 чылда 2301-ни тывысканын фондунуң даргазы сагындырган.
Амгы үеде республиканың 35 муң чурттакчылары - хоочуннар болгаш инвалидтерниң ай санында ап турары ай санында акша төлевирлери база өзер.
Часкал Дараа индексацияны барымдаалап, хөөржүдүлге ачы-дузаның төлевирин боттарының деңнелинге дүрген бадылаарын муниципалитеттер удуртукчулардан дилээн. Россияның Социал фондузу ук санаашкыннарны алган соонда, чүгле ынчан фондунуң салбырлары хөөржүдүлге дээш социал пособиени төлээр. Республикада өскен пособиениң хемчээли 13550,08 рубль болур.