Владислав Ховалыг Тыва Республиканың Дээди Хуралынга Айыткалын таныштырып тура, бо чылдың август айда Тывага болуп эртер IV-кү делегей чергелиг сарыг шажын шуулганынга ачы-дузазын көргүзер эки турачылар командаларын чыып эгелээнин чарлаан.
Регионалдыг Аныяктар херектериниң талазы-биле яамызының дыңнатканы болза, волонтерлар буддийжи делегейде улуг ужур-уткалыг болуушкуннарның бирээзин белеткежиринге болгаш организастажырынга дараазында угланыышкыннарга үлүг-хуузун киирип болур:
* российжи болгаш даштыкы киржикчилерни уткуп, оларны хемчеглер үезинде үдээри;
* бүрүткел, информация болгаш аай-дедир шимчээшкин пунктуларының ажылынга дузалажыры;
* ажыл-агыйжы, культура болгаш эртем программаларын организастаарынга дуза көргүзери;
* делегациялар, спикерлер, массалыг информация чепсектери база форум киржикчилери-биле ажылдаары дээш, оон-даа өске.
2026 чылдың февраль 1-ден март 31-ге чедир волонтерларны чыыр. Бүрүткеттинген эки турачыларга өөредилге курузун эрттирип, ооң соонда алган билиглерин болгаш арга-мергежилдерин быжыглаары-биле хынаар.
2026 чылдың июнь 27-де болур Аныяктар хүнүнде волонтерларның сөөлгү даңзызын бадылаар. Ол хүн киржикчи бүрүзү IV делегей чергелиг буддийжи форумнуң волонтеру деп шынзыдылганы алыр.
«Добро.РФ» чаңгыс аай ифнормастыг системада :dobro.ru/event/1150... шөлүг-биле хемчегге бүрүткедип ап болур.