Январьның 19-та, келир понедельникте, чүдүкчүлер эң чугула православ байырлалдарның бирээзи Крещениени демдеглеп эрттирер. Христиан шажынның бо хүнү Буянныг Медээде кол болуушкун-биле холбаалыг: Иордан хемге Иисус Христосту сугга эжиндирип, ыдыктаан. Крещение биле Пасха – эрте-бурунгу христиан байырлалдарның бирээзи деп санаттынар.
Бо чылын Тывага чаңчылчаан Крещение байырлалы сугже кирер ёзулал чокка эртер: бөгүнде Улуг-Хемниң дожунуң кылыны массалыг хемчег эрттиреринге таарышпас деп санаттынган. ОБЯ-ның ажылдакчылары доштуң кылынын хынап көргеш, ол дыка чуга болгаш турум эвес дээрзин бадыткаан. Специалистер хемниң агымын дургаар шинчилээш, дош чуга болганындан хөйнүң айыыл чок чоруун хандырары-биле массалыг эжиндириишкинни соксадырын сүмелеп, дошче барбазын найысылалдың чурттакчыларындан болгаш аалчылардан дилээн.
Кызыл Епархиязы камгалакчыларның сүмелерин деткип, Крещение байырлалы - дошта ойган черге чунуп алыр ёзу-чаңчыл чонга шажынчы негелде эвес, сагыш сеткилдиң шажынчы болуушкуну дээрзин сагындырган. Бо байырлалда чүдүлгелиг улус хүрээге барып, чүдүп алыры албан. Крещение дээрге сүлде-сүзүк чаартылгазы болгаш амыдыралдың ужур-утказын катап боданыр арга-дыр.
Крещение байырлалында кол чаңчылдарының бирээзи – хүрээлерге сугну ыдыктаары. Ол езулалды ийи катап кылыр: январь 18-те база январь 19-та Бурган литургиязының үезинде. Крещение суун ыдыктыг деп санаар болгаш, бүдүн чыл дургузунда ону ажыглап болур. Чүдүлгелиг улус ооң-биле бажыңнарын, эт-хөреңгизин ыдамнап, аарый бергенде, аарыг черлерге чаар.
Байырлал хүнүнде республикага аңгы-аңгы темалыг хемчеглер болуп эртер. Чижээ, Чөөн-Хемчик кожуунда, январь 18-те, Рождество бүдүүзүнден эгелеп, көдээ культура бажыңнарынга Крещение дугайында чугааларны чорудар. Аңгы-аңгы назы-харлыг чурттакчы чон оюн-тоглаа программаларынга, өөредилге шактарынга киржип, видеороликтерни көрүп, беседалар болгаш чыыштарны сонуургап болур.
Крещение байырлалында Кызыл Епархиязының хүрээлеринге болур номналдар:
Воскресенскиниң Кафедралдыг дуганы, Кызыл хоорайЯнварь 18
9.00 – Чырыткылыг кежээ, Литургия, сугну ыдыктаары;
16.00 – Православ тускай номчулга;
23.50 – Суг ыдыктаар улуг езулал.
Январь 19
8.40 – Кыска номналдар, Байырлал Литургиязы, Суг ыдыктаар улуг езулал.
Троицк хүрээзи , Кызыл хоорай
Январь 18
9.00 – Чырыткылыг кежээ, Литургия, сугну ыдыктаары;
16.00 – Православ тускай номчулга.
Январь 19
8.40 – Кыска номналдар, Байырлал Литургиязы, Суг ыдыктаар улуг езулал.
Князь-Владимир эрлер хүрээзи, Туран хоорай
Январь 18
16.00 – Православ тускай номчулга, Суг ыдыктаар улуг езулал.
Январь 19
8.40 – Кыска номналдар, Байырлал Литургиязы, Суг ыдыктаар улуг езулал.
Никита Новгородский дээди башкы хүрээзи, Бай-Хаак суур
Январь 19
8.30 – Кыска номналдар, Байырлал Литургиязы, Суг ыдыктаар улуг езулал.
Ие Бурганның Казань иконазының хүрээзи, Сарыг-Сеп суур
Январь 18
17.00 – Православ тускай номчулга.
Январь 19
8.40 – Кыска номналдар, Байырлал Литургиязы, Суг ыдыктаар улуг езулал.
Апостол Владимир князь хүрээзи, Балгазын суур
Январь 18
17.00 – Православ тускай номчулга.
Январь 19
8.40 – Кыска номналдар, Байырлал Литургиязы, Суг ыдыктаар улуг езулал.
Бирги дээди апостолдар Петр биле Павел хүрээзи, Черби суур
Январь 18
11.00 – Суг ыдыктаар улуг езулал.
Дээрги бурганга алдар болдурган хүрээ-өг, Терлиг-Хая суур
Январь 18
16.00 – Кыска номналдар, Литургия, Суг ыдыктаар улуг езулал.