Бөгүн Россияның Президентизи Владимир Владимирович Путин эрткен чылды дорт эфирге түңнеп, бистиң чуртувустуң журналистериниң болгаш чурттакчыларының айтырыгларынга харыылаар. Москва шагы-биле 12:00 шакта эгелээн дорт дамчыдылганы Владислав Ховалыг баштаан Тыва Чазактың кежигүннери чаңчыл ёзугаар көөр.
«Первый», «Россия 1», «Россия 24», НТВ, ОТР база «Мир» телеканалдар, радиостанций «Маяк», «Вести FM» база «Радио России» радиостанциялар дорт эфирге дамчыдылганы чорудар.
ВКонтакте четкниң ажыглакчылары дамчыдылганы vk.com/moskvaputinu албан езузунуң арыны таварыштыр көрүп болур.
Тываның Баштыңы Владислав Ховалыг бо хевир – бистиң чурттувуска кол шиитпирлерни дорт дыңнап, чидиг айтырыгларны салыр чугула арга деп демдеглээн.
Президент-биле дорт дамчыдылгада «ТуваМедиаГрупп» медээ агентилелиниң журналистери – кол редакторнуң оралакчызы Гюзель Кунзет база «Тува 24» телеканалдың оператору Чай-Хаан Донгак киржип турарын Владислав Ховалыг дыңнаткан.
ВКонтакте четкиниң шупту ажыглакчылары дорт дамчыдылга үезинде Владимир Путинге айтырыгны салып болурун сагындыраал.
Бо чылын MAX мессенджер кол бирээзи болуп, программаның албан езузунуң web.max.ru/67622762 чат-боту таварыштыр айтырыгларны хүлээп ап турар:
Айтырыглар салырының өске-даа аргалары база бар: москва-путину.рф деп сайт, 8-800-200-40-40 дугаарлыг телефон, азы 0-40-40 дугаарже СМС азы ММС-ти чорудар.