Эргим эштер!
Россияның күрүнениң айыыл чок чорук органнарының хүндүлүг ажылдакчылары болгаш хоочуннары!
Профессионал байырлалыңар-биле байыр чедирип тур бис!
Россия делегей кризизиниң уржуктарын ажып эрткеш, улуг өскерлиишкиннер үезинде, бодунуң бот-тускайлаң эргезин, кижи төрелгетенниң ниити үнелиг чүүлдерин камгалаан бот-догуннаан күрүне апарган.
Чаа, шын делегей чурумун тургузар эгелээшкинни эгелеп тура, бистиң хамаатыларывыстың, ылаңгыя аныяк салгалдың угаан-медерелин баларартып, өртемчейже көрүжүн өскертип, терроризм болгаш экстремизмни деткээн болгаш экономиктиг база шериг месилдежиишкиннерин тургузуп турар делегей чергелиг улуг дайзында таваржып келген бис. Бөгүн ол төөгүлүг эгелээшкинни боттандырып, үндезин айыыл чок чорук болгаш чедиишкиннер дээш Россия Федерациязының тускай албан черлери харыылап турар.
Сөөлгү чылдарда кыжаныгның хевири элээн өскерилген. Амгы үениң кыжаныглары Россияның бот-догунаашкынын болгаш конститусчу тургузуун камгалаарынга чаа концепциялыг аргаларны негеп турар. Мурнуку одуругда чүгле чепсектиг эвес, а угаан-медерелдиг демиселдиң көзүлбес тулчуушкунун хүннүң-не чорудуп турар силер.
Айыыл чок чорук органнарының хоочуннарынга өөрүп четтиргенимни аңгы илередип тур мен. Офицер кижиге Ада-чуртунга бараалгалдан, Төрээн чуртунга болгаш даңгыраанга шынчы чоруктан бедик үнелиг чүве чок дээрзин боттарыңарның үлегериңер-биле бадыткаан силер. Силерниң араңарда Ада-чурттуң Улуг дайынының болгаш тус чер месилдежиишкиннериниң шылгалдазын эрткен фронтучулар-биле кады ажылдаан аас-кежиктиг кижилер база бар. Чекистерниң амгы салгалы чүс-чүс чылдарның ужур-чаңчылдарын хүндүткелдиг уламчылап чоруур: чекистерниң ооң мурнунда салгалының арга-дуржулгазынга болгаш маадырлыг чоруктарынга даянып, кыжаныглар-биле демиселдиң мурнуку одуруунда ажылдап, тускай шериг операциязынга бистиң тиилелгевисти бодун хайырлавайн чоокшуладып чоруур.
Төрээн чуртуңарга база Ада-чуртуңарга шынчы албаныңар дээш сеткилим ханызындан өөрүп четтирип, сибирьжи быжыг кадыкшылды, чаа-чаа чедиишкиннерни, профессионал тиилелгелерни силерге күзедим. Байырлал-биле!
Россия Федерациязының Президентизиниң Сибирь федералдыг округта бүрүн эргелиг төлээзи А. Серышев