Россия Федерациязының Президентизиниң Сибирь федералдыг округда бүрүн эргелиг төлээзи Анатолий Серышев Конституция хүнүнде, чурттуң болгаш регионнуң хөгжүлдезинге улуг үлүг-хуузун киириштирген Новосибирск облазының чурттакчыларынга күрүне шаңналдарын тывыскан.
Бүрүн эргелиг төлээ байырлыг хемчегниң киржикчилеринге болгаш аалчыларынга байырын чедирип тура, кызымак күш-ажылы болгаш шылграңгай чедиишкиннери-биле бөгүн бүгү чурттуң чоргааралы апарган сибирьжилерни демдеглеп турарын демдеглээн. «Силерниң кижи бүрүзү бодуңарның ажылыңарга тергиин чедиишкиннерни чедип алган. Россияның күчү-күжүн быжыглаарынга болгаш Новосибирск облазының хөгжүлдезинге киирген улуг үлүү-хууңар силерниң тиилелгелериңер болгаш чедиишкиннериңер-дир» - деп, ол чугаалаан.
Дээди школа, өөредилге болгаш кадык камгалалы, культура болгаш эртем ажылдакчылары, үлетпүр ажылдакчылары, демир-орукчулар, тус чер бот-башкарылга органарының төлээлери дээш янзы-бүрү адырларның төлээлеринге шаңналдарны тывыскан. Улуг болгаш эптиг-найыралдыг өг-бүлелерде аныяк салгалга чугула үлегер-чижек болуп чоруур хөй ажы-төлдүг ада-иелерге онза өөрүп четтиргенин илереткен.
Анатолий Серышев «Ада-чурт мурнунга ачы-хавыяазы дээш» орденниң II чергезиниң медальдарын регионнуң улуг үлетпүр бүдүрүлгелериниң, эртем, өөредилге, кадык камгалалының, тус чер бот-башкарылга органнарының он тос ажылдакчызынга тывыскан. Россия Федерациязының Президентизиниң Хүндүлел бижиктерин болгаш өөрүп четтириишкин бижиктерин регионнуң он бир чурттакчызы алган.Конституция хүнүнде бүрүн эргелиг төлээ Сибирьниң шылгараңгай чурттакчыларынга күрүне шаңналдарын тывыскан.