Тываның дыка хөй чурттакчыларын дүвүредип турар чидиг айтырыгларының бирээзи – чырыктың бо-ла өже бээри. Республиканың хөгжүлдезинге болгаш тудуг ажылдарынга чырык күжү чедир бе дээн айтырыгга Владислав Ховалыг ийе деп, боттуг харыыны берген. Регион Чазаа энергетика инфраструктуразын мурнады хөгжүдери-биле шудургу ажылдап турарын ол демдеглээн.
Владислав Ховалыг чырык четкилеринде күчү-күштү улгаттырып база турумчударынче угланган ажылдарын болгаш тускай планнарын дыңнаткан.
Улуг хемчээлдиг эде чаартылгаларны эгелээр дизе, хоорайның кол айтырыы апарган «ээзи чок» четкилер айтырыын хоойлу езугаар шиитпирлээр херек. 2024 чылдың декабрьда «Россети Сибирь-Тываэнерго» компаниязынче СНТ-ниң электри четкилерин албан езузу-биле шилчиткен, амгы үеде дачаларны олар харыылап турар.
Бо чылын дачалар ниитилелдериниң девискээринде үш чаа трансформатор подстанциязын ажыглалче киирерин планнаан. Ынчан бар четкилерде чырыктың күжү улгадып, электроэнергияның шынары элээн экижиир.
Хүлээп алганы шупту чырык четкилеринге улуг хемчээлдиг капитал септелгени кылыры – дараазында базым. «Тываэнерго» инвестиция программазы-биле 2026 чылдан тура чогуур акша-хөреңгини тускайлаар.