Күрүнениң Кремль ордузунуң Улуг залынга чылдың-на Кремльдиң Чаа чыл байырлалы эртип турар. Тываның Өөредилге яамызы декабрь 25-те Күрүнениң Кремль ордузунга Елкага киржир уругларның даңзызын тургускан.
Регионга тускайлаан чалалга езугаар, өөредилгениң тергииннери, олимпиадалар, спартакиадалар, фестивальдар тиилекчилери, өскүс, инвалид уруглар, хөй ажы-төлдүг өг-бүлелерниң уруглары, тулчуушкунга аар кемдээшкин алган азы маадырлыы-биле өлген тускай шериг операциязының киржикчилериниң уругларының аразындан 8 хардан 10 харга чедир назылыг 16 оолдар, уругларны шилип алган.
Өөредилге яамызының дыңнатканы-биле алырга, республикадан киржир кордакчыларны шилиирде, организакчыларның ажылдап кылганы бүгү-российжи Кремль Елказынга киржир кордакчыларны шилиир чуруму езугаар чоруткан, ында амы-тынындан чарылган азы аар кемдээшкиннер алган тускай шериг операция киржикчилериниң ажы-төлүнче кол кичээнгейни угландырган. Ведомстволар аразының комиссия деңнелинге бөлүктер аайы-биле уругларны шилээн. Уругларны улуг улус эдертип чоруур.
2025-2026 чылдың театржыткан бөлүк көргүзүглери декабрь 25-те эгелээр. Улуг залга болур Кремль Елказының киржикчилеринге «Шактың кайгамчыктыг даажы» деп хөгжүмнүг оюнну көргүзер. Тоолду ийи кезекке чарган: театржыткан болгаш интерактивтиг. Көрүкчүлер көргүзүг соонда, тоолдуң маадырлары-биле кады кайгамчыктыг байырлалды уткуурунга белеткенип, Чаа чылдың Елказында сайылганнарны кыпсып, белекти алырлар.