Амгы үеде Новосибирск хоорайда «Россия – арга-дуржулга чурту» Президентиниң платформазының эрттирип турары «Бистиң өг-бүлевистиң-дир» деп мөөрейниң округда чартык түңнел чадазы чоруп турар. Сибирь федералдыг округтуң регионнарындан ол хемчегде 159 өг-бүле командалары чыглып келген.
Киржикчилерниң аразында Тыва Республикадан 16 кижиден тургустунган үш өг-бүле, Хакас Республикадан 15 кижиден тургустунган үш өг-бүле, Алтай Республикадан 12 кижиден тургустунган ийи өг-бүле бар. Чартык түңнел мөөрейде Красноярск крайдан 107 кижиден тургустунган 19 команда база Новосибирск областан 122 кижиден тургустунган 24 команда киришкен. Кемерово облазын эң хөй - 26 өг-бүле командалары-биле (147 кижи) төлээлээн.
Чартык түңнел мөөрейге ниитизи-биле 311 уруг, 281 ада-ие, 202 улуг назылыг кижилер база өске-даа өг-бүле кежигүннери киржип турар. Үш салгалдан тургустунган дөрттен алды кежигүннерлиг өг-бүле командаларының бо хемчээнде арткан төрелдери чоок кижилерин ырактан деткип турар.
Киржикчилерниң назы-хары бештен 87 харга чедир. Киржикчилерниң аразында шахтерларның, тудугжуларның, биологтарның, малчыннарның, башкыларның база тускай шериг операциязының киржикчилеринге дузалажып турар волонтерларның өг-бүлелери барын «Россия – арга-шинектер чурту» деп Президентиниң платформазының чиңгине директору, «Сенеж» удуртулга мастерскаязының ректору Андрей Бетин демдеглээн.
«Сибирьниң сооктары турза-даа, чаа-даа болгаш эрги-даа эш-өөрнүң ужуражылгазы кайгамчык чылыг байдалга эрткен. Мөөрей езулуг быжыг найыралдың таваан салганын көөрү өөрүнчүг-дүр» - деп, ол демдеглээн.
Хемчегниң мурнунда Өг-бүлелер хемчег мурнунда Чаа чылдың елказын каастап, байырлал шинчизин тургускан. Чартык түңнелдиң эгезинде Россияның регионнарының бот-тускайлаңын көргүскен национал идик-хептерлиг Сибирьниң хороводу – онзагай черни ээлээн.
Орус географтыг ниитилелдиң 180 чыл оюнга тураскаадып, российжи өг-бүлелерниң чогаадыкчы арга-шинээн көргүскен делгелгени база организастаан. Ырактан «Объективте чараш чүүл» деп ырактан киириштирер чадазында «Бистиң өг-бүлевистиң-дир» деп мөөрейниң эң-не эки ажылдарынче кичээнгейни угландырган.
Чурттуң аңгы-аңгы регионнарындан чүс-чүс бот-тывынгыр фотографтар боттарының камералары таварыштыр төрээн черлериниң катаптаттынмас чаражын көргүзүп турарлар.
Декабрьның 8-те, хемчегниң чартык түңнел чадазында тиилекчи өг-бүлелерниң аттарын чарлаар. Олар 2026 чылдың июль 8-те, Өг-бүле, Ынакшыл болгаш шынчы чорук хүнүнде, Москвага болур мөөрейниң финалынга киржир. Кол шаңнал – 5 млн. рубль өртектиг 60 сертификатты чуртталга байдалын чаагайжыдарынче берип, а тиилекчилерге өг-бүлези-биле аян-чорукчулаар путевкаларны тыпсыр.
«Бистиң өг-бүлевистиң-дир» деп мөөрейниң ийиги сезонунга киржири-биле Россия Федерациязының 89 регионнарындан ниитизи-биле 726191 кижилиг, 82 чуртта чурттап чоруур төрелдери-биле кады киржир дугайында билдириишкинни 196576 өг-бүле киирген. Ында Тыва Республикадан 2500 ажыг кижи, азы 679 өг-бүле командалары киржип турар. 2025 чылда «Бистиң өг-бүлевистиң-дир» деп мөөрейни «Өг-бүле» деп национал төлевилелче киирген.