Тываның Баштыңы Владислав Ховалыг декабрьның 11-де 17.00 шакта «Россия 24» телеканалдың эфиринге дорт шугумнуң дамчыдалгазының үезинде кижи бүрүзүнүң болгаш өг-бүлелерниң амыдырал-чуртталгазынга хамааржыр чугула айтырыгларны чугаалажып, республиканың хөгжүлде сайзыралын, кол чедиишкиннерин, чылдың кол түңнелдерин үндүрүп, келир чылдың планнарын айтыр. Республика Баштыңының «ВКонтакте» социал четкиде албан езунуң арынынга Дорт дамчыдылганы көрүп болур.
Республиканың чурттакчыларындан айтырыгларны чыып, бөлүглеп, ажылдап турар. Тываның регион удуртулгазының төвү бо хүнге чедир аңгы-аңгы дөстер таварыштыр 350 ажыг айтырыг киргенин дыңнаткан.
Айтырыгларны өөренип көөрге, республиканың кожууннарынга чуртталга тудуунуң база социал объектилер септелгезиниң айтырыглары эң чидиг болуп арткан. Бии-Хем кожууннуң Аржаан суурнуң чуртакчылары идепкейлиин көргүзүп, суурунуң культура ажыңынга капитал септелгени кылып бээрин дилээн. Ол ышкаш регионнуң найысылалы – Кызыл хооорайның чурттакчыларындан айтырыглар хөйү-биле кирген.
Оон аңгыда оруктар тудуу, өредилег болгаш ЧКА адырынга хамааржыр айтырыглар хөй. Социал камгалал, харылзаа болгаш интернет айтырыглары эвээш киргени демдеглеттинген.
Республиканың чурттакчылары Тыва Республиканың Баштыңының дорт шугумунче айтырыгларны тускай арыннар таварыштыр чорудуп болурун сагындырып тур:
Күрүне ачы-дузалары порталда удур харылзаа шөлү - pos.gosuslugi.ru/landing/?y...;
Тускай чат-бот - forms.yandex.ru/u/68feecd7....