Тывада «Россияның суу» бүгү-российжи чергелиг акциязы доозулган. Киржикчилер 252 километр узун эриктерни боктан арыглап аштаан. 2025 чылдың тос айында республикага 88 субботниктер эрткен, аңаа 7 муң ажыг кижи киришкен. Активчилерниң күжү-биле 260 хире куб метр бокту чыып, хемнерниң болгаш хөлдерниң эриктерин арыглаан.
Чурттуң суг объектилериниң арыг-силиин хандырар сорулгалыг «Экология» национал төлевилелдиң «Онзагай суг объектилерин кадагалаары» федералдыг төлевилелиниң акцязы-биле эрик зоналарынга акцияны организастаан. Акцияның чүгле киржикчилериниң саны көвүдээн эвес, а янзы-бүрү организацияларның болгаш хөй-ниити шимчээшкиннериниң талазындан экология айтырыгларга сонуургал чылдың-на өзүп турарын Тываның Арга-арыг болгаш бойдус ажыл-агый яамызы демдеглээн.
Бо чылын акцяга улуг-даа, бичии-даа кижилер, оон иштинге уруглар садынын кижизиттирикчилери идепкейлиг киришкеннер. Активчилерниң санында ажы-төлдүг аныяк өг-бүлелер, школачылар, студентилер хөй. Бо чүүл долгандыр экология болгаш суг объектилериниң арыын кадагалаары шупту салгалдарның чугула айтырыы апарганының херечизи. Мындыг акцияларга киржилге кижилерге республиканың суг курлавырларынга камныг хамаарылганы кижизидип, долгандыр хүрээлел камгалалының чугаалазын медерээрин хевирлээр.
Тыванын арга-арыг болгаш бойдус ажыл-агыйын сайыды Григорий Ондар субботниктерниң киржикчилеринге четтиргенин илереткеш, оларның үлүг-хуузу үнелиг дээрзин демдеглээн. «Төрээн черивисти чүгле кады күжениишкиннеривис-биле бичии-даа болза экижидип, хемнер болгаш хөлдеривистиң эриктерин арыглап шыдаар бис» - деп, сайыт демдеглээн.