Регионнуң губернатору Владислав Ховалыгның эгелээшкини-биле «Халас чер» төлевилелдиң боттандырлгазы Тыва Республикада уламчылавышаан. Регионалдыг Чер болгаш өнчү хамаарылгаларының яамызының дыңнатканы-биле алырга, бөгүнге чедир республиканың аңгы-аңгы муниципалдыг тургузуглары хамаатыларга 470 чер участогун берген. 181 билдириишкин киирген кижи чер чөпшээрелин алган, ам чогуур дугуржулганы чарарын манап турар, а тос билдириишкин ведомстволар аразының чөпшээрелин эртип турар. Октябрьның сан-чурагайы-биле алырга, «Чер дугайында» Тыва Республиканың Конституция хоойлузунга бадылаттынган эдилгелер езугаар чер участоктарын алыр дээш, хамаатылардан 1500 хире билдириишкин кирген. 827 билдириишкинни сайгарып турар.
Кирген билдириишкиннерниң 93-ү тускай шериг операциязының киржикчилериниң болгаш оларның өг-бүле кежигүннеринге хамааржыр болганындан ол онза кичээнгейде. Тускай шериг операциязының киржикчилериниң тургузуп турар. Бөгүнде билдириишикнер саны-биле Кызыл, Бии-Хем, Каа-Хем, Эрзин кожууннар мурнуку черде. Тодаргайлаарга, Кызыл кожуунда 601, Бии-Хемде 237, Каа-Хемде 130, Эрзинде 161 билдириишкин кирген.
Республиканың хөй кезиинде Тожу (45 керээ), Бии-Хем (52), Чеди-Хөл (30), Тес-Хем (14) дээш республиканың оон-даа өске кожууннарында черлерни халас ажыглаар дугуржулгалар чардынган. Республиканың шупту муниципалдыг тургузуглары черни халас бээр талазы-биле ажылды уламчылап турар.
Владислав Ховалыгның эгелээшкини-биле «Чер дугайында» хоойлуже эдилгелерни киирер мурнунда, чурттакчы чоннуң чиигелделиг кезээ чер участоктарын халас алыр арга турганын сагындырайн. Регионнуң удуртукчузу 10 муңдан эвээш чурттакчылыг чуртткчылыг черге чер участоктарын халас алыр эргелиг кижилер бөлүүн калбартырын санаалдаан. Тыва Республиканың хамаатыларынга боттарының чурттаар бажыңнарын тудуп, оон-даа улам хөгжүдер боттуг аргаларны бээри – төлевилелдиң кол сорулгазы.
Хамааты чер участогун алырының база билдириишкин киирериниң дугайында консультацияны алырда, мунициапалдыг тургузуг чагыргазынче киирер.