Тываның школаларында уругларга чурагай билиглеринге болгаш киберкамгалалдың үндезиннерин өөредиринче угланган «Чурагай билиглеринге өөредилге» деп бүгү-российжи чырыдыышкын төлевилелиниң чаа сезону эгелээн. Бизнес экосистема адырында бодунуң ажылдары-биле билдингир «Контур» ИТ-компания чаа кичээлди эгелээн
«Күрүнениң медээлер экономиказы база чурагай эде өскертилгелери» деп национал программаның «Чурагайлыг өскертилгелерге кадрлар» төлевилели езугаар «Чурагай билиглеринге өөредилге» төлевилел-биле ону боттанып турар. Бо кичээлдер чүгле уругларга эвес, а ада-иелерге болгаш башкыларга ажыктыг болур, чүге дизе чурагайлыг өөредилгениң үндезиннери кандыг-даа назылыг кижилерге ажыктыг.
«Чурагай билиглеринге өөредилгениң» кол сорулгазы – боттарының чурагайлыг херекселдеринге аай-баштыг чурумну киирип, ажыктыг чүүлдерге өөренир кылдыр школачыларга дузалажыры. Төлевилелде көргүскен видеолар бичии уругларга хууда чурагай шөлдерин сайзырадырындан аңгыда, бойдус хүрээлелин камгалаарынга дузалап болур бөдүүн чүүлдерниң дугайында бичии уругларга таныштырар. Чижээ, телефонунда дыңнадыгларны өжүрүп каарының азы эш-өөрү болгаш чоок улузу-биле медээлерни бодамчылалыг үлежирин билип алыр.
Өөредиглиг видеороликтерниң кол маадыры - Миша бодунуң кичээнгей чок чоруун ажып эртер дээш, шииде чаа рольду өөренип алырын оралдажып турар. Ынчалза-даа телефонунда эштери база чоок улузунуң мессенджерлер таварыштыр олче чорудуп турар дыка хөй фото база видео файлдар дыңнадыглары ону доктаамал чартыктырып, ооң телефонунуң шыгжамырын долдуруп турар. Мишаның аян-чоруундан уруглар чурагайлыг чурумнуң бөдүүн болгаш чугула дүрүмнерин шиңгээдип алыр.