Кадык амыдыралды нептередир болгаш чурттакчы чонну спортчу эгелээшкиннерже хаара тудар талазы-биле республикада көскү чедиишкиннер бар. Бо ажылдың кол көргүзүглериниң бирээзи - «Күш-ажылга болгаш камгалалга белен» бүгү-российжи күш-культура-спорт комплекизиниң (ГТО) нормазын күүседиринге хамаатыларның идепкейлиг киржилгезин демдеглеп болур. ГТО комплекизиниң күүселдезин башкарып турар электроннуг баазада Тывадан 32 муң ажыг кижи бүрүткеткен, олар республиканың чурттакчы чонунуң 10 хуузу болур. Оларның аразындан 1250 кижи ГТО комплекизин тургустунганындан бээр шылгалдаларны чедиишкинниг эрткен.
Регионнуң Спорт яамызының спортчу хемчеглер болгаш ажыл-агый чорудар эргелелиниң медээзи-биле алырга, бо чылдың тос айларында ГТО комплекизиниң нормазын дужаар 11 спортчу маргылдаага 950 кижи ону чедиишкинниг киришкен. Бо чылын 718 кижи алдын, 92 кижи мөңгүн 92, 140 кижи хүлер демдектерни алган. Нормативтерни чедиишкинниг дужааган кижилерниң ниити санындан 82 кижи улуг назылыг хамаатылар болганы онзагай.
ГТО нормаларын чедиишкинниг дужааган хамаатыларның бедик деңнели – чоннуң кадыын быжыглаарынче болгаш кадык амыдыралды суртаалдаарынче угланган регион политиказының үре-түңнелин бадыткаан деп, Тываның Спорт яамызы айыткан. Регионда спорттуң беш хевири: маңнаары, чадаг чарыш, эштири, стол теннизи болгаш чадаг-терге эң нептереңгей.