Президентиниң гранты фондузунуң деткимчези-биле «Тиилелге дугайында чугаа» деп патриотчу медиа-контент дээш Бүгү-российжи хөй-ниити шаңналынче чагыгларны хүлээп эгелээнин «Россияның өлүм чок полугу» деп бүгү-российжи хөй-ниити хамааты-патриотчу шимчээшкини дыңнаткан.
Октябрь 14-тен мөөрейже билдириишкиннерни хүлээп эгелээн. Ада-чурттуң Улуг дайынынга, ооң кол болуушкуннарынга болгаш маадырларынга, ол ышкаш тускай шериг операциязының болуушкуннарынга болгаш ооң киржикчилеринге тураскааткан репортажтарны, статьяларны, интервьюларны, дыңнадыгларны болгаш өске-даа материалдарны профессионалдар болгаш сонуургактар чорудуп болур.
Мөөрей ийи номинацияга эртер:
1. «Видеоконтент» (телевидение программалары, интервью, репортажтар, медээлер, видеороликтер);
2. «Сөзүглелдиг контент» (статьялар, постлар).
Мөөрейге бүрүткелдиг массалыг информация чепсектери, корпоративтиг үндүрүлге черлери, хуу авторлар, блогерлер болгаш социал четкилер ажыглакчылары киржип болур.
Хуу авторлар болгаш блогерлер бүрүткеткен массалыг информация чепсектери кылдыр чагыгны берип болур. Мөөрейниң албан езузунуң сайтызынче 2025 чылдың октярь 14-тен декабрь 31-ге чедир чагыгларны киирер.
Мөөрейниң pravnuki-pobediteley.ru/ албан езузунуң сайтызы таварыштыр мөөрейниң чурумунуң дугайында таныжып, бодунуң чагыын киирип болур.