Октябрьның үшкү улуг-хүнүнде Россияда Адалар хүнүн демдеглеп эрттирери чаңчыл апарган. 2021 чылда Президентиниң Чарлыы-биле ону тургускан. Бо чылын байырлалды октябрь 19-та демдеглээр. Ол байырлалды демдеглээри-биле бүгү республиканың өөредилге болгаш культура албан черлери «класс шактарын», темалыг ада-ие хуралдарын, ол ышкаш өг-бүлениң үнелиг чүүлдерин быжыглаар янзы-бүрү мастер-класстарны болгаш хемчеглерни эрттирер. Кызылдың Өг-бүле парыгынга Адалар аллеязын тургузары бо чылын онзагай болуушкун болур.
Бөгүн Тываның найысылалында Өг-бүле парыгынга хөй-ниитичилерниң болгаш волонтерларның киржилгези-биле ыяштарны тараан. Бо төлевилел өг-бүлеге болгаш ажы-төл кижизидилгезинге адаларның ролюнче кичээнгейни угландырар сорулгалыг.
Тывада Адалар хүнүнге тураскааткан хемчеглер планы
Кол хемчеглер
- октябрь 17 – «Мээң ачам – мээң камгалакчым» адалар форуму;
- октябрь 17 – «Аданың миссиязы» адаларга тренинг («Сайзырал» республика төвү);
Өг-бүлениң үнелиг чүүлдерин быжыглаар хемчеглер
- октябрь 13-19 – чаа ада болганнарга дун төлүнүң херечилелдерин тыпсыры (ХБАБ-тың девискээр органнары);
- октябрь 13-19 – Өг-бүле парыгының девискээринге «Адалар аллеязынга» ыяштар олуртур акция;
- октябрь 13-19 – «Адалар академиязы» төлевилел-биле ада болурун болгаш үндезин үнелиг чүүлдерни нептередиринге хөй-ниити үзел-бодалының болгаш хөй ажы-төлдүг адалар лидерлери-биле ужуражылга;
- октябрь 14-тен ноябрь 14-ке чедир – ада-ие хуралдары болгаш «Ажы-төл кижизидилгезинге ада кижиниң ролюнуң дугайында» деп темалыг кичээлдер (өөредилге организацияларынга);
- октябрь 18 – бодарадып-төрүүр кадыкшылды камгалаарынга ажык эжиктер хүнү, консультациялар (Республиканың кадыкшыл болгаш медпрофилактика төвү, кожууннарның төп эмнелгелери);
- октябрь 16-17 – «Өг-бүле хамаарылгалары уругну кижизидеринге үндезин» өг-бүлелерге консультациялар хүнү (республиканың эмнелге черлери);
Культура-дыштанылга хемчеглери
- октябрь 13-20 – Адалар хүнүнге тураскааткан уран номчулга болгаш комикстер мөөрейи (өөредилге организациялары);
- октябрь 14-тен ноябрь 14-ке чедир – кожууннарга «Иези – уруунга. Адазы – оглунга» мастер-класстар (өөредилге организациялары);
- октябрь 13-19 – «Мээң ачам – маадыр» уруглар чуруктарының делгелгези (ХБАБ-тың девискээр органнары);
- октябрь 13-30 – «Ачам-биле кады номчуттунар бис» деп номнар делгелгези (К.И. Чуковский аттыг республиканың уруглар библиотеказы);
- октябрь 12-16 – «Мээң ачам – маадыр» квест-оюн (Алдан-Маадыр аттыг Национал музей);
- октябрь 13 – Адалар хүнүнге тураскааткан «Кол чүүлдер дугайында чугаа» (өөредилге организациялары);
- октябрь 16 – ажык эжиктер хүнү, «Алдар. Хүлээлге. Шынчы чорук» шериг албанныглар болгаш курсантылар адалары-биле ужуражылгалары (УМЦ «Авангард» УМЦ);
- октябрь 17 – «Ачам шыдаар» деп хөглээшкин-оюннуг программа (К.И. Чуковский аттыг республиканың уруглар библиотеказы);
- октябрь 18 – «Муминовтуң тоолчургу делегейи» шииниң көргүзүү (Тываның күрүнениң ойнаар-кыстар театры);
- октябрь 18 – «Чүгленген күзел» шииниң көргүзүү (В. Көк-оол аттыг национал хөгжүм-шии театры);
- октябрь 14-тен ноябрь 30-ке чедир – Адалар хүнүнге база Иелер хүнүнге тураскаткан культура-дыштанылга хемчеглери (ТР-ниң өг-бүлеге болгаш уругларга социал дуза төптеринге).
Спорчу хемчеглер
- октябрь 13-18 – эр башкылар болгаш адалар аразынга мини-футболга школачы болгаш муниципалдыг маргылдаалар (өөредилге организациялары);
- октябрь 18 – өг-бүле командаларының аразынга спартакиада (И. Ярыгин аттыг спорткомплекс).