«Социал хөмүр-даш» деп губернатор төлевилели бодунуң ачы-дузазын калбартып, тускай шериг операциязының киржикчилериниң өг-бүлелеринге күрүне деткимчезин берип эгелээр. Бо бөлүкче мөчээн, ис чок читкен, туттурган дайынчыларның өг-бүлелери база шериг кемдээшкининден инвалид болган хоочуннар кирип турар.
Республика кожууннарының күш-ажыл болгаш социал хөгжүлде эргелелдериниң сан-чурагайындан алырга, тускай шериг операциязының киржикчилериниң 1306 өг-бүлези 2025 чылда ол ачы-дузаны алырлар.
Бо чылын «Социал хөмүр» төлевилел-биле деткимчени дөрт болгаш оон хөй ажы-төлдүг, эвээш орулгалыг 2581 өг-бүле алыр. Тывада дыка хөй өг-бүлелерге бо социал деткимче хемчээ боттарының бюджедин элээн камнап алыр арганы бээр. Бо сентябрьдан Тываның муниципалдыг тургузугларынче хөмүр-даш болгаш одаар ыяш чедирилгези эгелээр.
2016 чылда эгелэээн «Социал хөмүр» төлевилел күүселдези-биле республикада эвээш орулгалыг өг-бүлелер 2145 тонна хөмүрнү, а Тожу биле Тере-Хөл кожууннарда өг-бүлелер 4,8 куб одаар ыяшты алырлар.