Сентябрь 11-де Тываның күрүне университединге «Тываның маадырлары» төлевилелдиң киржикчилери-биле башкылары байырлыг байдалга ужурашкан. Чоокку чылдарда олар өөредилгени эртип, башкыларының хайгааралы-биле стажировкалаар.
Тываның Баштыңы, ТР-ниң Чазааның Даргазының оралакчылары, регионалдыг яамылар, ведомстволар болгаш тус чер чагырга удуртукчулары дээш, бедик мергежилдиг дагдыныкчыларны төлевилелге киржир кылдыр шилээн. Төлевилел киржикчилери профессионал сонуургалдарын барымдаалап, бодунга дагдыныкчыларны шилип алыр аргалыг болган.
«Дагдыныкчыларның сорулгазы – «Тываның үжен дайынчыларының» удуртулга ажылынга база республиканың хөгжүлдезинге боттарының арга-мергежилин боттандырарынга дузалажыры. Аңаа быжыг үндезин бар – эрес-дидим чорук, харыысалга болгаш берге байдалдарда дүрген шиитпирлерни хүлээп алыр арга-дуржулга» – деп, Чазак Даргазының оралакчызының хүлээлгезин күүседип турар Айдыс Сынаа бодунуң блогунда демдеглээн.
«Тываның маадырлары» төлевилелдиң тиилекчилери күрүне политиказынга болгаш күрүне эргелеп-башкарылга системазынга тураскааткан бирги чыгдынган программа-биле белеткелди сентябрь 2-де эгелээн. Бедик шынарлыг өөредилге чорудуун болгаш өөредилге хевирлерин хандырып турар РАНХиГС ВШГУ-нуң “Тываның маадырлары” деп регионалдыг программазының башкылар командазы лекцияларны номчуур.
Сентябрь 12-де программаның бирги кезээ доостур, оон эгелеп киржикчилер хууда болгаш профессионал өзүлдези дээш тренерлер болгаш дагдыныкчылар-биле удур-дедир харылзаалыг болур. Бо ужуражылгалар теоретиктиг билиглерни болгаш арга-мергежилдерин быжыглаарынга, ол ышкаш төлевилелдер болгаш социал ажыл-чорудулга удуртулгазын боттандырарынга онзагай арганы бээр.