Тывада кожуун, хоорай болгаш суму төлээлекчилер хуралдарының депутаттарының 37 немелде соңгулдаларынга соңгулда кампаниязы уламчылап турар. Регионалдыг соңгулда комиссиязының дыңнатканы-биле алырга, соңгулдалар 15 муниципалдыг тургузугларга болур – Бай-Тайга, Барыын-Хемчик, Чөөн-Хемчик, Каа-Хем, Кызыл, Өвүр, Сүт-Хөл, Таңды, Тес-Хем, Тожу, Улуг-Хем, Чаа-Хөл, Чеди-Хөл болгаш Эрзин кожууннар, ол ышкаш республика найысылалы Кызыл хоорайның Төлээлекчилер хуралынче немелде соңгулдалар болуп эртер.
Соңгулдалар түңнели-биле 81 кордакчыдан 54 депутат соңгуттурар: Кызыл хоорай Төлээлекчилер хуралынче 4, кожуун депутаттарынче 15, хоорай болгаш суму депутаттарынче 35.
Сентябрь 14-те, улуг-хүнде 8.00 шактан 20.00 шакка чедир бадылаашкын эртер. Тываның Соңгулда комиссиязының албан езунуң www.tyva.izbirkom.ru/ сайтызында “2025 чылдың сентябрь 14-те чаңгыс аай бадылаашкын хүнүнде шупту соңгулдаларның дугайында” деп кезекте участоктарның адрестери айыттынганын Тываның Соңгулда комиссиязы сагындырып, бодунуң соңгулда участогунга келгеш, бадылаашкынга идепкейлиг киржиринче чурттакчы чонну кыйгырган.